Atalǵan shara Təýelsizdik kúni men energetıkterdiń tól merekesi qarsańynda uıymdastyrylyp otyr. Sporttyq dodanyń saltanatty ashylýynda «KEGOC» AQ Basqarma Tóraǵasynyń keńesshisi, Jańabaı Beksary: «Spartakıadanyń negizgi maqsaty-tek qana bizdiń qyzmetkerler arasyndaǵy sporttyq múmkindikterdi damytý emes. Bul jalpy 4 500-den astam qyzmetkeri bar úlken kompanııanyń bir-biriniń arasyndaǵy áleýmettik-ujymdyq baılanysty nyǵaıtý. О́zderin úlken bir januıa músheleri ekenin sezindirý. 2003 jyldan beri ótetin jarysqa, iri kompanııanyń barlyq qurylymdyq bólimsheleri aı̆ryqsha atsalysyp keledi. Áýeli ər óńirlik fılıalda irikteý kezeńi ótken. Topty jaryp, joldama alǵandary Rýdnyıda baq synap otyr»,-dedi. Sporttyq sharaǵa qatysýshylar dástúrli jarys kompanııa qyzmetkerleri úshin úlken mereke ekenin aıtady. Olar ózderin sport alańynda qarsylas bolǵanymen, qyzmet babynda qurmetti áriptes ekendikterin de esten shyǵarmaıdy.
Kompanııa qyzmetkerleri shaǵyn fýtbol, voleıbol, ústel tennısi, armrestlıng jáne shahmat syndy sport túrlerinen saıysqa tústi. Atalǵan dodaǵa kompanııanyń 300-ge jýyq qyzmetkeri qatysty. Ymyrasyz sporttyq jarystyń nátıjesinde birinshi jalpykomandalyq orynǵa «Sarybaı JET» fılıalynyń sportshylary ıe bolsa, ekinshi orynǵa «Soltústik JET», úshinshi orynǵa «Shyǵys JET» fılıalynyń komandasy ıe boldy.
