Aıtýly jarysta jergilikti órenderdiń mysy basym bolyp, olar komandalyq esepte top jardy. Eresekter básekesinde Almaty oblysynyń ókilderi bes salmaq dárejesi boıynsha dara shyqty. Áıelder arasynda Tolqyn Dáýrenbekova (52,2 kılo) men Aıan Tursyn (56,7 kılo) altynnan alqa taǵynsa, erler saıysynda Dastan Jaqypbekov (56,7 kılo), Jasulan Meıirmanov (61,2 kılo) jáne Jan Kenjebaev (77,1 kılo) jeńimpaz atandy. Al ózge bas júldeni myna sportrshylar oljalady: almatylyq Saıda Hasenova (70,3 kılo) men Aleksandr Dıa (120,2 kılo), qyzylordalyq Jandos Nurmuhambetov (65,8 kılo), qaraǵandylyq Vıtalıı Radıonov (70,3 kılo) pen Zelemhan Hýmaıdov (93 kılo) jáne astanalyq Aleksandr Val (83,9 kılo).
Jasóspirimder arasyndaǵy jarysta myna jekpe-jek sheberleri teńdessiz dep tanyldy: taldyqorǵandyq Úkinaı Ahmetýálıqyzy (52,2 kılo) men Tımýr Jaımbaev (61,1 kılo), jambyldyq Darına Ahmetova (70,3 kılo) men Nesiphan Sadyhan (83,9 kılo), shyǵysqazaqstandyq Vadım Shestakov (93 kılo), almatylyq Rýslan Altynbekov (65,8 kılo), Qaırolla Zamdarov (70,3 kılo) jáne Rasýl Asqarov (77,1 kılo).
Komandalyq esepte Almaty oblysy quramasynyń top jarǵanyn joǵaryda aıttyq. Al ekinshi jáne úshinshi oryndy Almaty jáne Astana qalalary ıelendi.
Ǵalym SÚLEIMEN,
«Egemen Qazaqstan»
