Buǵan deıin aıtýly dop dodasynda Ispanııanyń «Real Madrıd» (ÝEFA Chempıondar lıgasynyń jeńimpazy), Týnıstiń «Esperans» (KAF Chempıondar lıgasynyń jeńimpazy), Meksıkanyń «Gvadalahara» (KONKAKAF Chempıondar lıgasynyń jeńimpazy), Japonııanyń «Kasıma Antlers» (AFK Chempıondar lıgasynyń jeńimpazy), Jańa Zelandııanyń «Tım Vellıngton» (OFK Chempıondar lıgasynyń jeńimpazy) jáne BAÁ-niń «Ál-Aın» (jarys qojaıyny) klýbtary óner kórsetý qurmetine ıe bolǵan edi. Mine, endi olardyń qatary búgin Argentınanyń «Rıver Pleıtimen» tolyǵyp otyr. Bul komanda Lıbertadores kýbogynyń fınaldyq saıysynda «Boka Hýnıorstan» basym tústi.
Esterińizge sala keteıik, fýtboldan klýbtyq álem chempıonaty 2000 jyldan beri uıymdastyrylyp keledi. Bul jarysta bas júldeni eń kóp oljalaǵan komandalar – «Real» men «Barselona». Madrıdtikter 2014, 2016 jáne 2017 jyldary top jarsa, katalonııalyqtar 2009, 2011 jáne 2015 jyldary dara shyqty. Sondaı-aq, ár jyldary Brazılııanyń «Korıntıans» (2000 jyl, 2012 jyl), «San-Paýlý» (2005 jyl), «Internasonal» (2006 jyl), Italııanyń «Mılan» (2007 jyl) men «Inter» (2010 jyl), Anglııanyń «Manchester Iýnaıted» (2008 jyl) jáne Germanııanyń «Bavarııa» (2013 jyl) klýbtary teńdessiz dep tanyldy.
Ǵalym SÚLEIMEN,
«Egemen Qazaqstan»
