2001-2003 jyly týylǵan uldar men qyzdar arasynda ótken aıtýly jarysta
Aqmola, Atyraý, Jambyl, Mańǵystaý, Qaraǵandy, Qostanaı, Qyzylorda, Pavlodar, Túrkistan, Shyǵys Qazaqstan, oblystary, Astana, Almaty, Shymkent qalalary jáne Qyrǵyzstannan kelgen 250-ge jýyq balǵyn balýandar baq synady. Bul básekeniń jalpy komandalyq esebinde uldar arasynda Almaty qalasynyń órenderi asqan sheberlik tanytyp, bas júldeni oljalady. Shyǵys Qazaqstan oblysynyń órenderi ekinshi oryn alsa, Qaraǵandydan kelgen dzıýdoshylar úshinshi oryndy ıelendi. Qyzdar saıysynda da almatylyqtar aldaryna jan salmady. Ekinshi jáne úshinshi oryndarda Aqmola jáne Qyzylorda oblysynyń qurama komandalary enshiledi.
Qazaqstan Respýblıkasy Bilim jáne ǵylym mınıstrliginiń Ulttyq ǵylymı-praktıkalyq dene tárbıesi ortalyǵynyń bas dırektory Sadyq Mustafaev, Qazaqstannyń eńbek sińirgen jattyqtyrýshy Ermek Imanbekov, aıtýly ortalyqtyń sport sharalaryn ótkizý zerthanasynyń jetekshisi, ataqty dzıýdoshy Saǵdat Sadykov, jáne tanymal tóreshi Danııar Aıtymbetov jarys jeńimpazdary men júldegerlerin kýbok, dıplom jáne medaldarmen marapattady.
Taǵy bir aıta keterligi, Ilııas Qabylovty eske alýǵa arnalǵan II Halyqaralyq týrnırdi tamashalaý úshin Beıjiń Olımpıadasynyń kúmis júldegeri Ashat Jıtkeev, jasóspirimder Olımpıdasynyń jeńimpazy, Azııa chempıonatynyń júldegeri Erlan Slıambaev jáne Qýanysh Atajanov, Evgenııa Bogýnova, Aısulý Serikqyzy syndy belgili dzıýdoshylar «Dostyq» sport keshenine arnaıy at basyn burdy.
Ǵalym SÚLEIMEN,
«Egemen Qazaqstan»
