Aýksıonǵa aýdandyq jer qatynastary bólimi jalpy kólemi 2372 gektardy quraıtyn 30 jer telimin usyndy. Olardyń 15-i sharýa qojalyǵyn júrgizý úshin, 14-i ǵımaratqa qyzmet kórsetý úshin, 1-eýi óndiristik maqsatqa arnalǵan jer telimderi.
Jer telimderiniń jalpy baǵalyq quny 3 mln 947 myń teńgege baǵalansa, bastapqy satylý baǵasy 4 mln 342 myń teńge bolyp kórsetilgen bolatyn. О́tkizilgen aýksıon nátıjesimen atalmysh jerler 4 mln.737 myń teńgege satyldy.
Kásipkerlik maqsattaǵy jer telimderin Palata alańynda ótkizý bastamasyn Kásipkerler palatasynyń kóterýimen osydan eki jyl buryn Qyzylorda qalasy ákimdigi qoldaǵan bolatyn. Sodan beri jer telimderin aýksıon arqyly berý sharasy Qyzylordada nátıjeli júzege asyrylyp keledi.
Nátıjesinde ótken jyldyń qorytyndysy boıynsha 53 jer telimi jeke menshik quqyǵymen, 89 jer telimi ýaqytsha óteýli jer paıdalaný (jaldaý) quqyǵymen satylyp, memlekettik bıýdjetke 101 mln 51 myń teńge qarajat tústi.
Aýdandardyń arasynda alǵashqy bolyp Shıeli aýdany aýksıondardy Palata alańynda ótkizýdi bastady. Bul týraly Palata dırektorynyń ekonomıkalyq máseleler jónindegi orynbasary Qojahmet Ilııasov: «Búgin alǵash ret Shıeli aýdanynda kásipkerlik úshin jer telimderine arnalǵan aýksıon Shıeli aýdandyq fılıalynyń alańynda ótýde. Bul aýdan kásipkerligin damytýda jasalyp otqan oń bastama. Jappaı kásipkerlikti, onyń ishinde otbasylyq kásipkerlikti damytýda jergilikti deńgeıde sheshýdi qajet etetin birden-bir túıtkildi másele – jer telimderine kelip tireledi. Aýksıonnyń kásipkerlerdiń qara shańyraǵy - Palata alańynda ótkizilýi – ashyqtyqty, jer boıynsha oryn alyp júrgen birqatar máselelerdiń oń sheshilip, qoljetimdi bolýyn qamtamasyz etedi. Bizdiń usynysymyzdy qabyl alyp, qoldaǵan Shıeli aýdany ákimdigine rızashylyǵymyzdy bildiremiz», - dedi.
Baqtııar TAIJAN,
«Egemen Qazaqstan».
