Konfederasııa Kýboginiń "S" tobyndaǵy irikteý kezeńi 28-shi qazan kúni Atyraý qalasynda ótti. Onda komandamyz qarsylas shaq keltirmeı, fınaldyq kezeńge joldama alǵan bolatyn.
Sportshylarymyz jartylaı fınalda BQO komandasyn 4:2 esebimen utsa, fınalda Qaraǵandy oblysy komandasyn dál osyndaı eseppen tize búktirdi. Atyraý quramasy sapynda Aqjol Qaıyphan, Nazgúl Qubasheva, Saıda Qapsalyqova, Elmıra Samıǵollaeva, Erjan Temirjanov, Naýryzbek Maılashev, Suńǵat Zakarııaev jáne Arman Qalıev beldesti.
- Atyraý oblysy qurama komandasy sapynda birde-bir el chempıony bolmasa da, sportshylarymyz ben jattyqtyrýshylarymyzdyń birlesken jumysy arqasynda jeńiske jettik. Qazirgi tańda Atyraýda dzıýdo kúresi joǵary qarqynda damyp keledi. Sportshylarymyzdyń búgingi jeńisi sonyń dáleli. Byltyr Konfederasııa kýboginde qola júldege ıe bolsaq, bıyl altyn júldeger atanyp otyrmyz, deıdi Atyraý oblysy dene shynyqtyrý jáne sport basqarmasynyń basshysy Rınat Ibragımov.
Aıta ketý kerek, qarasha aıynda ótken Qazaqstan chempıonatynda atyraýlyq sportshylar komandalyq synda chempıon atanǵan bolatyn.
Konfederasııa kýbogi 2016 jyldan bastap sporttyq jekpe-jek jáne kúsh qoldanylatyn sport túrleri konfederasııasynyń uıymdastyrýymen qolǵa alynǵan komandalyq jarys. Onda boks, dzıýdo, taekvondo, erkin kúres, grek-rım kúresi jáne qazaq kúresinen saıystar ótedi. Jarystyń júlde qory – 145 mln teńge.
