Aldymen «Nur Otan» partııasy Tóraǵasynyń birinshi orynbasary Máýlen Áshimbaevtyń qatysýymen, oblys ákimi, partııanyń oblystyq fılıalynyń tóraǵasy Bolat Baqaýovtyń tóraǵalyǵymen uıymnyń oblystyq aktıviniń otyrysy ótti. Otyrysty ashqan B.Baqaýov Elbasy Joldaýynan týyndaıtyn mindetterdiń oryndalý barysymen tanystyrdy.
– О́ńir turǵyndary Elbasy Joldaýynda aıqyndalǵan reformalardyń mańyzdylyǵyn jete túsinedi, – dedi Bolat Baqaýov. Basym baǵyt bul qazaqstandyqtardyń ál-aýqatyn arttyrý. Bul kúnderi óńirde eńbekaqylary tómen jumysshylardyń aılyǵyn kóbeıtý boıynsha barlyq kásiporyndarmen túsindirý jumysy qolǵa alynýda. Kásiporyndar jumysshylardyń jalaqysyn ortasha eseppen 12 paıyzǵa arttyrmaq.
Oblys basshysy atap ótkendeı, elimizde qabyldanǵan «7-20-25» baǵdarlamasy boıynsha óńirdegi ekinshi deńgeıli bankterge 65 ótinish túsken. Qazir onyń 29-y maquldanǵan. Elbasy tapsyrmasyna sáıkes, óńirdegi turǵyn úı-kommýnaldyq sharýashylyq salasynda da jylý, sý tólem qyzmetteriniń baǵasyn tómendetý úshin jumystar júrgizilýde.
Kezdesýde «Nur Otan» partııasy Tóraǵasynyń birinshi orynbasary Elbasynyń Joldaýy men jaqynda jarııalanǵan «Uly dalanyń jeti qyry» atty maqalasynda aıtylǵan basymdyqtardy júzege asyrý barysyn sóz etti.
– Qazirgi tańda partııamyzdyń aldynda turǵan basty mindetterdiń biri – Elbasy Joldaýyna aqparattyq qoldaý kórsetý. Sondyqtan atalǵan qujattyń máni men mańyzyn ár qazaqstandyqqa jetkizýde eseli eńbek etýimiz kerek, – dedi ol.
Sapar aıasynda partııa Tóraǵasynyń birinshi orynbasary M.Áshimbaev pen Pavlodar oblysynyń ákimi B.Baqaýov «Qazhrom» TUK» AQ fılıaly Aqsý ferroqorytpa zaýytynda ótken «Laıyqty eńbek – memlekettiń turaqtylyq negizi» atty forýmǵa qatysty.
Forýmda M.Áshimbaev Aqsý ferroqorytpa zaýytynyń osyndaı iri óndiris oryndarynyń biri sanalatynyn aıtty. Bıyl qurylǵanyna 50 jyl tolǵan, búginde Qazaqstannyń ferroqorytpa óndirisiniń 60 paıyzyn qamtıtyn kásiporynnyń ónimderi Japonııa, Koreıa, Qytaı, AQSh, Reseı men Eýropanyń birqatar elderine eksporttalady.
«Nur Otan» partııasy Tóraǵasynyń birinshi orynbasary Elbasy aıqyndap bergen maqsattarǵa qol jetkizý úshin eńbek adamyna laıyqty jaǵdaı jasaýdyń mańyzy zor ekenine toqtaldy.
– Elimizde Elbasynyń tikeleı bastamasymen eńbek qaýipsizdigin saqtaý, eńbekti qorǵaý jáne ony laıyqty baǵalaý jóninde aýqymdy jumystar atqarylyp keledi. Osy maqsattaǵy búgingi forým Elbasymyzdyń Qazaqstannyń Úshinshi jańǵyrýy bastamasyn júzege asyrýda úlken mańyzǵa ıe. Sebebi kez kelgen istiń adam kúshimen, adam eńbegimen iske asatyny belgili. Sondyqtan eńbektiń qorǵalýy qolǵa alǵan istiń nátıjeli bolýyn qamtamasyz etetin tıimdi tetik, – dedi M.Áshimbaev.
О́z kezeginde, Kásipodaqtar federasııasynyń tóraǵasy Baqytjan Ábdiraıym federasııanyń 2018 jyldy eńbek qaýipsizdigi jáne qorǵaý jyly dep jarııalaǵanyna nazar aýdaryp, sol baǵytta atqarylǵan jumystarǵa toqtaldy.
Aıta keteıik, 2017 jyldyń qorytyndysy boıynsha elimizde 1678 jumysshynyń eńbek jaraqatyn alǵany anyqtalǵan. О́kinishke qaraı, olardyń 244-i qaıǵyly aıaqtaldy. Sondyqtan osyndaı olqylyqtardyń aldyn alý úshin bul máseleni kún tártibinen túsirmeı, udaıy basty nazarda ustap otyrý asa mańyzdy.
Forým sońynda Kásipodaqtar federasııasynyń uıymdastyrýymen ótkizilgen «Eńbekti qorǵaý jónindegi úzdik tehnıkalyq ınspektor» baıqaýynyń jeńimpazdary marapattaldy.
Qazirgi tańda «Nur Otan» partııasy qolǵa alǵan jobalardyń biri – elimizdegi kitaphanalardyń qyzmetin búgingi talaptarǵa saı qaıta jańǵyrtyp, olardy zamanaýı bilim ortalyǵyna aınaldyrýǵa baǵyttalǵan. Sondyqtan M.Áshimbaev sapar kezinde S.Toraıǵyrov atyndaǵy oblystyq kitaphanaǵa arnaıy bardy. Atalǵan nysannyń búginde 550 myń danadan astam kitap qory bar. Qazirgi kezeńde atalǵan kitaptar «Qazaqstannyń ashyq kitaphanasy» partııalyq jobasy aıasynda sıfrly formatqa kóshirilip jatyr. Bul jumystar Book Drive, Laren sııaqty skaner qurylǵylardyń kómegimen júrgizilýde.
«Nur Otan» partııasynyń kitaphana qyzmetin jańǵyrtýdaǵy kezekti bastamasy zamanaýı bilim ortalyqtaryn qurý isi boıynsha Pavlodar oblysynda aıtarlyqtaı jumystar atqarylǵan. Búginde óńirde 25 kovorkıng ortalyǵy ashylyp, onda kitap oqýmen qatar, túrli taqyryptarda pikirtalastar men trenıngter jáne belgili tulǵalardyń dáristerin ótkizý isi júıeli jolǵa qoıylǵan.
Kitaphana oqyrmandarymen jáne óńirdiń bir top jas aqyn-jazýshylarymen kezdesken M.Áshimbaev mundaı bastamalardyń mańyzy zor ekenin aıtty.
– Elbasynyń «Rýhanı jańǵyrý» baǵdarlamasynyń negizgi máni jastardyń bilimge degen qushtarlyqtaryn arttyrý. Al bar bilimniń negizi kitapta ekeni belgili. Sondyqtan partııa Tóraǵasynyń tapsyrmasy boıynsha biz osyndaı ıgi isti qolǵa aldyq. Bul – básekege qabiletti, ıntellektýaldy ult qalyptastyrýǵa jáne elimizdiń ekonomıkalyq damýyna úles qosýǵa baǵyttalǵan naqty jumystar, – dedi Máýlen Áshimbaev.
Farıda BYQAI,
«Egemen Qazaqstan»
