«Pedagog mártebesi týraly» zań jobasynyń tujyrymdamasy talqylandy

Zań jobasynyń tujyrymdamasy Elbasynyń 2018 jyldyń 5 qa­za­­nyn­daǵy «Qazaqstandyqtardyń ál-aý­qatynyń ósýi: tabys pen turmys sa­pa­syn arttyrý» atty Qazaqstan halqy­na Joldaýy aıasynda ázirlengen bo­latyn. Talqylaýǵa Bilim jáne ǵy­lym vıse-mınıstri Elmıra Sýhanberdıeva Almaty qalasynan onlaın rejimde qatysyp, birqatar suraqtarǵa jaýap berdi. 

«Elbasy Joldaýyn oryndaý maqsatynda mınıstrlik «Pedagog mártebesi týraly», oqýshy jáne mu­ǵalim júktemesin azaıtý máseleleri boıyn­sha keıbir zańnamalyq aktige óz­ger­týler men tolyqtyrýlar en­gi­zý týraly zań jobasyn ázirlep, talqylaýda. Osy maqsatta jumys toby quryldy. Onyń ishinde mektep mu­ǵaliminen bastap kolledj, JOO pe­dagogtary, memlekettik organdar ókil­deri, ata-analar da bar. Halyq jańa­dan ázirlenip jatqan zań jobalaryn talqylaýǵa belsendi qatysyp jatyr. Búginde respýblıkanyń túkpir-túkpirinen 2 myńǵa jýyq usynys kelip tústi. Áli de qosar usynystaryńyzdy bilimdiel.project@mail.ru, pressa.edu@gmail.com elektrondy adresine jiberýlerińizdi suraımyz», dedi vıse-mınıstr.

Zań jobasynyń tujyrymdamasy bilim berý uıymdarynyń quqyqtary men kepildikterin, pedagogıkalyq jáne ǵylymı jumystaryn júzege asyrýdy, sondaı-aq bilim berý deń­ge­ıi­niń, menshik nysandarynyń, bilim berý uıymdarynyń tıpi men túrlerine qaramastan memlekettik, qoǵamdyq qoldaý jáne taný sharalaryn júzege asyrýdy qamtıtyn muǵalim mártebesin kóterýge baǵyt­tal­ǵanyn aıta ketkenimiz jón.

Talqylaýdan ańǵarǵanymyzdaı, jańa zań jobasy arqyly búginde zor sheshimdi qajet etip turǵan birneshe másele bar. Bul – mamandyqtyń min­­­detine kirmeıtin fýnksııalar kó­­­le­­­miniń artyq bolýy, aı sa­ıyn qa­jetti deńgeıdegi aqyǵa qol jet­­­­kizý úshin muǵalimderdiń shekten tys jumys isteýge májbúrligi, kóp­­te­gen jeńildik pen kepildemeni alý­­dyń qıyndyǵy, muǵalimderdi qorǵaıtyn arnaıy zańnyń joqtyǵy, sondaı-aq pedagog mamandyǵyna er adamdardyń barmaýy, mektepke deıingi tárbıe men bilim berý salasynda, aǵylshyn tili jáne taǵy basqa naqty mamandyqtardan sabaq beretin ustazdardyń jetispeýshiligi men eńbekaqynyń tómendigi. 

Bilim jáne ǵylym mınıstrliginiń mektepke deıingi orta bilim de­par­ta­mentiniń bas sarapshysy Aıman Tel­manqyzynyń aıtýynsha, zań jo­ba­sy­nyń tujyrymdamasy áleýmettik jelide qyzý talqylanyp jatyr. «Alaıda usy­nystar men suraqtar kóp qaıtalanady. Kóbi ustazdardyń áleýmettik jaǵ­daıyna qatysty sa­ýal joldaıdy. Sondaı-aq muǵalim men ata-ana arasyndaǵy qarym-qaty­nas­qa qa­tys­ty máseleler jıi kóterilip jatyr. Odan bólek, ustazdardy zeınetke erte shyǵarý jaıly kóp hat aldyq. Muny Eńbek jáne halyqty ál­eýmettik qorǵaý mınıstrligimen bi­ri­gip talqy­­laımyz», deıdi A.Dúı­sen­baeva.

Mek­tepke deıingi jáne orta bi­lim de­partamenti dırektorynyń oryn­basary Zeınep Maqsutova aıtyp ót­kendeı, tujyrymdamada  muǵalimderdi kór­­neki quralmen to­­lyq jabdyqtaý, ál­eý­met­tik ke­pil­dik­ter berý, jala­qy­syn kó­beıtip, júkte­mesin azaıtý qa­ras­ty­rylǵan. Aýyldyq jerlerdegi mu­ǵa­limderge jylyna bir ret be­ri­letin kom­mýnaldyq ótemaqyny bel­gi­leý má­­selesi de qara­lyp jatyr.

Jıynda ustazdar qaýymynyń atynan Astana qalasyndaǵy №76 mektep-lı­­­seıi­niń dırektory, ja­ńa­shyl ustaz Safýra Seıdýálı­qyzy óz oı­yn bil­dir­di. «Mu­ǵa­lim­di ál­eý­met­tik turǵydan qor­­ǵaý, muǵalimniń balasyn balabaqshaǵa je­ńil­dikpen ornalastyrý, úı alýdaǵy jeńildikter qa­ras­ty­­ry­lyp otyr. Osyǵan qosqymyz ke­­le­tin bir másele bar. Aıtalyq, bú­gin­gi tańda ártúrli sala mamandary me­dı­sı­nalyq sa­pa­ly qyzmet alýda bir­sha­ma je­ńil­dik­terge ıe bolyp otyr. Os­yndaı jeńildikter muǵalimderge de tıesili bolsa degen nıetimiz bar. Jasy ul­ǵaı­ǵan muǵalimder turaqty em­delip otyratyn medısınalyq me­ke­me­­­ler qarastyrylsa quba-qup», deıdi S.Tólektegi. 

Qazirgi zań boıynsha ál­eý­met­tik ke­pildikter jergilikti at­qa­rýshy bı­liktiń quzyretine qaraı bel­­gi­le­­­nedi. «Aýyldyq jer­de­gi mu­ǵa­lim­­­derge kom­­­­­mýnaldyq óte­m­aqy tó­­­­leý, tegin medı­sınalyq te­k­­se­­ris­­­­­ten ótý jumystary ár óń­ir­­­de ár­­­­túrli jú­zege asyp jatyr. Má­se­­­len, Almaty men Qyzy­l­or­da oblystarynyń muǵalimderi óz aq­­­­sha­la­ryna me­­dısınalyq tekserýden ótedi. О́ıt­keni jergilikti bıýd­jette qarjy jetispeıdi. Endi osy kem­shi­lik­terdiń barlyǵy zańmen ret­te­ledi dep senemiz», deıdi salalyq ká­sipodaq uıy­my tóraǵasynyń orynbasary Aıgúl Mu­qa­sheva.

Odan bólek talqylaýda mu­ǵa­lim­­­­der­diń turǵyn úı máselesi de ózek­­­ti ekeni aıtyldy. Sebebi, bú­gin­gi tań­da us­ta­zdardyń jalaqysy ıpo­tekamen úı alýǵa jetpeıdi. Osy tur­ǵy­dan da atalǵan zań ustazdardyń birqatar máselesin sheship berse, deıdi talqylaýǵa qatysýshylar.

Mıras ASAN,

«Egemen Qazaqstan»