Basqosýda keıbir mekeme basshylarynyń 28-30 myń teńge mólsherinde ǵana aılyq tóleıtini belgili boldy. Jaǵdaıdy túzemegen kásipkerler aldaǵy jyldan bastap zań boıynsha jazalanatyn bolady.
Eń tómen jalaqy tólep otyrǵan 13,5 myń kásiporynnyń 11,5 myńy taban aqy, mańdaı terdi kóterýge daıyn ekendigin bildirdi. Sóıtip 39 myńǵa jýyq adam qamtylmaq.
Memlekettik eńbek ınspeksııasy basqarmasynyń jetekshisi Qaırat Pishenbaev oblys kásiporyndarynda jalaqyny kóterý boıynsha jasalǵan jumys jaıynda esep berdi. Onyń aıtýynsha, az jalaqy alatyn jumysshylardyń aılyǵyn 1,4 esege kóterý josparlanǵan. Sonda 36 847 tengeden 52 495 tenge deıin kóbeıetin bolady. Búginge deıin 3227 jumys berýshimen memorandýmdarǵa qol qoıyldy.
Ár basqarma jetekshileri osy baǵyt boıynsha esep berdi. Eń tómengi kórsetkish kólik baqylaý, bilim berý jáne densaýlyq saqtaý basqarmalarynda oryn alǵan.
«Bilim berý salasynda jumys istep júrgen orta býyn mamandarynyń jalaqysy 30 paıyzǵa ósedi. Bul shamamen 20 myń adamǵa jýyq. 22 jekemenshik nysanda 682 mamannyń 585- si jalaqyny 30 paıyzǵa kóbirek alatyn boldy», dedi bilim berý basqarmasynyń basshysy Gúlmıra Kárimova.
Densaýlyq saqtaý salasynyń jekemenshik sektorynda tómen jalaqy alatyn 300 mamannyń aılyǵy artady.
Oblys ákimi Qumar Aqsaqalov qyzmet kórsetý baǵasyn emes, sapasyn jaqsartyp, tutynýshylar sanyn kóbeıtý arqyly jalaqyny kóterý qajettigin atap kórsetti. О́tken jylmen salystyrǵanda oblystaǵy jalaqy mólsheri 3,5 paıyzǵa ósken.
Kelesi jyly bul tapsyrmalardy oryndamaǵan basshylar qatań jaýapkershilikke tartylady.
Oblystaǵy eń tómengi eńbekaqy– aýylsharýashylyǵy salasynda. Keıbiri nebári 28-30 myń teńgeni qanaǵat etip otyrǵan tárizdi.
О́mir ESQALI,
«Egemen Qazaqstan»
Soltústik Qazaqstan oblysy
