Bıyl Qazaqstan Prezıdentiniń «Altyn sapa» syılyǵynyń jeńimpazdary tiziminde «О́ndiristik maqsattaǵy úzdik kásiporyn» nomınasııasy boıynsha Shyǵys Qazaqstan oblysyndaǵy «SemAz» JShS, Almaty oblysyndaǵy «ALUGAL» JShS, Batys Qazaqstan oblysyndaǵy «Oral saýda-ónerkásip kompanııasy» JShS marapattalsa, «Halyqqa arnalǵan taýarlar shyǵaratyn úzdik kásiporyn» nomınasııasy boıynsha Soltústik Qazaqstan oblysy «Radýga» JShS, Túrkistan oblysyndaǵy «Bal Tekstıl» JShS, Jambyl oblysyndaǵy «Novacom Technology» JShS top jardy.
Al «Qyzmet kórsetetin úzdik kásiporyn» nomınasııasynda úzdik úshtikke Astana qalasyndaǵy «MYRZA-HAN» JShS jáne «Temirjol kóligindegi qazaqstandyq sertıfıkattaý ortalyǵy» JShS sondaı-aq, Mańǵystaý oblysyndaǵy «BıKaDa» JShS marapattaldy. Buǵan qosa, «Azyq-túlik jáne aýyl sharýashylyǵy ónimderin shyǵaratyn úzdik kásiporyn» atalymy boıynsha Almaty oblysyndaǵy «Rybprom» JShS, Almaty qalasyndaǵy «BIJAN» et óńdeý kesheni» JShS, Aqmola oblysyndaǵy «Gormolzavod» JShS marapatqa ıe boldy.
Bıyl Elbasynyń «Altyn sapa» syılyǵyn alýǵa úmitker retinde 182 kásiporyn qatyssa, onyń ishinde 78-i shaǵyn kásipkerlik boıynsha 76-sy orta al, 28-i iri kásipkerlik boıynsha ótinish bergen.
Jyl sońyndaǵy aıtýly marapattardyń biri - «Qazaqstannyń úzdik taýary» ataǵy. Bıyl bul baıqaýǵa qatysý úshin elimizdiń barlyq óńirlerinen 1163 shaǵyn, orta jáne iri kásiporyndardan ótinish túsken. Olardyń ishinde 153-i respýblıkalyq kezeńge iriktelinip alynǵan.
О́ndiristik maqsattaǵy úzdik taýarlar atalymyn Almaty oblysyndaǵy «DOLCE» JShS jáne Shymkent qalasyndaǵy «Zerde – Keramıka» JShS, Qostanaı oblysyndaǵy «Medıdez» ÚEU»JShS ıelense, Halyqqa arnalǵan úzdik taýarlar atalymyna Aqtóbe oblysyndaǵy «West Line doors» JShS, Atyraý oblysyndaǵy «Caspiy Lana Atyrau» JShS jáne Qyzylorda oblysyndaǵy «Dalatex» JShS ıe boldy. Sondaı-aq, Úzdik azyq - túlik taýarlary nomınasııasyna Almaty oblysyndaǵy «Shın Laın» JShS, Soltústik Qazaqstan oblysyndaǵy «ViZaVi Company» JShS jáne de Almaty oblysyndaǵy «Danone Berkut» JShS ıe boldy.
Erkejan AITQAZY,
«Egemen Qazaqstan»
