Mundaı ortalyqtardy ashý kólik quraldaryn tirkeýge, qaıta tirkeýge jáne kólik júrgizýshisi kýáligin aýystyrýǵa nıetti azamattar sanynyń ósý qajettiliginen týyndap otyr.
«Azamattarǵa arnalǵan úkimet» memlekettik korporasııasynyń Almaty qalasy boıynsha fılıalynyń dırektory Ǵalym Qarqynbaevtyń aıtýynsha, alǵashqy mamandandyrylǵan HQO ashylǵan aralyqta, ıaǵnı 5 jyl ishinde avtokólik ıelerine kórsetiletin qyzmet kólemi bes esege artqan. «Qala shekarasynyń keńeıýine baılanysty qala halqynyń sany bir jarym esege ósti. Sondaı-aq memlekettik tirkeý nómirin berý boıynsha eksterrıtorıaldy qaǵıdasy engizilgennen keıin kólik sany da arta túsken. Tirkeletin transporttyń 50% ózge qalalardan keledi. 80% – Almaty, 20% – Túrkistan jáne Jambyl oblystarynyń turǵyndary. Saldarynan «Saıaly» shaǵyn aýdany men Maılın kóshesinde ornalasqan mamandandyrylǵan HQO júktemesin arttyrǵan.
Kólik júrgizýshisi kýáligin alý barysynda tapsyrylatyn emtıhan burynǵydaı Alataý aýdanynda ornalasqan №1mamandandyrylǵan HQO-da júrgiziletin bolady.
Jańadan ashylǵan mamandandyrylǵan HQO-larda kórsetiletin memlekettik qyzmet sapasyn monıtorıngten ótkizý maqsatynda ahýal ortalyǵyna qosylǵan beınebaqylaý kameralary ornatylǵan.
Sonymen qatar sybaılas jemqorlyqqa jol bermeý jáne memlekettik qyzmetterdi kórsetý úrdisin jetildirý maqsatynda «Elektrondyq úkimet» portalynda kólikterdi tirkeý jáne kólik júrgizýshisi kýáligin almastyrý qyzmetteri boıynsha servıster jumys isteıdi. Tıisti qujattar bir saǵat ishinde rásimdeledi.
Búginge deıin elektrondyq úkimet portaly arqyly úsh myńnan astam kólik tirkeýge qoıyldy (Almaty q.– 550), sondaı-aq 13 myńǵa jýyq azamat (Almaty q.-1765) kólik júrgizýshisi kýáligin jańasyna almastyrǵan.
Elvıra Serikqyzy,
«Egemen Qazaqstan»
ALMATY
