Qarjy mınıstri Á. Smaıylov Jekeshelendirýdiń 2016–2020 jyldarǵa arnalǵan keshendi josparynyń oryndalýynyń aǵymdaǵy nátıjeleri jáne ony aıaqtaý boıynsha júrgizilip jatqan sharalar týraly baıandady. Qazirgi ýaqytta Jekeshelendirýdiń keshendi jospary nysandarynyń sany 922-ni quraıdy, olardyń 48-i 2018 jylǵy 9 qarashada qosymsha engizilgen.
«2016 jyldan bastap búgingi kúnge deıin 532 nysan saýda-sattyqqa shyǵarylyp, olardyń 465-i 296 mlrd teńgege satyldy. 96 nysan satý aldyndaǵy daıyndyq kezeńinde. 287 nysan qaıta uıymdastyrýǵa jáne taratýǵa jiberilgen, olardyń 160-y qaıta quryldy jáne taratyldy», — dedi Á. Smaıylov.
7 nysandy jekeshelendirý nysandarynyń tizbesinen alyp tastaý týraly QR Ekonomıkany jańǵyrtý máseleleri jónindegi memlekettik komıssııanyń sheshimi qabyldandy. Qaıta uıymdastyrylatyn, taratylatyn jáne jekeshelendirý nysandarynyń tizbesinen alyp tastaýǵa jatatyn nysandardy qosa eseptegende, Jekeshelendirýdiń keshendi josparynyń oryndalýy búginde 88% quraıdy.
«2018 jyly satýǵa 243 nysan josparlandy. Is júzinde 155 nysan saýda-sattyqqa shyǵarylyp, olardyń 88-i 117 mlrd teńgege satyldy jáne 67-si – saýda-sattyqta. Taǵy 8 nysan osy jyldyń sońyna deıin saýda-sattyqqa shyǵarylady», — dep málimdedi qarjy mınıstri.
Budan bólek, 56 nysan boıynsha qaıta qurý jáne taratý týraly sheshim; 7 nysan boıynsha jekeshelendirý nysandarynyń tizbesinen alyp tastaý týraly sheshim qabyldandy. QR Qarjy mınıstrliginiń aqparatyna sáıkes, 17 nysannyń satý merzimin 2019 jylǵa aýystyrý qajet. Qajetti materıaldar jaqynda Memlekettik komıssııanyń otyrysyna shyǵarylatyn bolady.
Sonymen qatar, Keshendi jospardyń 58 top nysannyń 34-i saýda-sattyqqa shyǵarylyp, olardyń 18-i satyldy, olardy satý quny 136 mlrd teńgeni qurady.
«Bir nysan osy jyldyń 28 jeltoqsanyna qaraı satýǵa shyǵarylatyn bolady («Qazaqavtojol» JShS). 3 top nysan Memlekettik komıssııanyń sheshimi negizinde tizbeden alynyp tastalýy tıis, 1 nysan – taratylýda. 10 top nysandy satý merzimi Memlekettik komıssııanyń sheshimimen 2019– 2020 jyldarǵa belgilengen. Taǵy 9 nysandy satý merzimi 2019–2020 jyldarǵa aýystyrylýy tıis», — dedi Á. Smaıylov.
Budan ózge, qarjy mınıstriniń aıtýynsha, 2019 jyly 2019–2020 jyldarǵa josparlanǵan 23 nysan satýǵa shyǵarylýy kerek. Sonyń ishinde «Samuryq-Qazyna» ulttyq ál-aýqat qorynyń 7 iri kompanııasyn IPO-ǵa kezeń-kezeńmen shyǵarý arqyly satý josparlanǵan. Bul rette, 14 qarashada «Qazatomónerkásip» ulttyq atom kompanııasynyń aksııalarynyń 25 paıyzynyń 15 paıyzyn «Astana» halyqaralyq qarjy ortalyǵy bırjasynda jáne London qor bırjasynda satý boıynsha saýda-sattyq ótti. Onyń nátıjesinde mámile somasy $451 mln qurady. Satýǵa belgilengen aksııalardyń qalǵan bóligin, aǵymdaǵy jyldan obektıvti jaǵdaılarǵa baılanysty aýystyrylatyn 17 nysandy, Keshendi josparǵa qosymsha engizilgen 48 nysandy satý kelesi jyly jalǵasatyn bolady.
О́z kezeginde, ulttyq ekonomıka mınıstri T. Súleımenov Memlekettik organdar qyzmetiniń tıimdiligin arttyrý maqsatynda Ulttyq ekonomıka mınıstrligi artyq jáne qaıtalanatyn fýnksııalardy anyqtaý turǵysynan memlekettik organdardyń vedomstvolyq baǵynysty uıymdaryn fýnksıonaldyq taldaýdy 2019 jyly aıaqtaıtynyn habarlady. Osy jumystyń qorytyndysy boıynsha Mınıstrlik memlekettik organdardyń vedomstvolyq baǵynysty uıymdaryn odan ári ońtaılandyrý boıynsha usynystar daıyndaıtyn bolady.
Sonymen qatar T. Súleımenov 2020 jyldyń sońyna deıin vedomstvoǵa baǵynysty kásiporyndardy qurýǵa moratorıı engizý josparlanyp otyrǵanyn aıtty (áleýmettik salany qospaǵanda). Memlekettik organdarǵa jumys istep turǵan vedomstvolyq baǵynysty uıymdardyń áleýetin paıdalaný usynylatyn bolady. Qazirgi ýaqytta tıisti qaýlynyń jobasy ázirlendi, ol kelisý rásiminen ótip jatyr.
Ulttyq ekonomıka mınıstri sonymen qatar Qordyń aktıvterin IPO-ǵa shyǵarýǵa qatysty máselelerdi de baıandady.
«Bıylǵy 14 qarashada elimizdegi kapıtal naryǵyn damytý maqsatynda mańyzdy oqıǵa bolǵan, Memleket basshysynyń qatysýymen AHQO bırjasynda Qazatomónerkásibiniń mámlesi boıynsha birinshi saýda-sattyq sessııasynyń ashylýy ótti. Barlyǵy jalpy somasy 168 mlrd teńgege Qazatomónerkásibi aksııalarynyń 15% shyǵaryldy. Aksııalardy 49 sheteldik jáne 17 otandyq zańdy tulǵa, sondaı-aq Qazaqstannyń 2700 azamaty satyp aldy. Qor tobynyń qalǵan kompanııalaryn IPO-ǵa shyǵarý 2019–2020 jyldarǵa josparlanyp otyr. Atap aıtqanda, 2019 jyly Qazaqtelekom men Eır Astananyń aksııalaryn satý josparlanyp otyr», — dedi T. Súleımenov.
Satýǵa nysandardy daıarlaý týraly júrgizilip jatqan jumystar týraly «Samuryq-Qazyna» Qorynyń basqarýshy dırektory – hatshylyq basshysy Á. Pirmetov, «Báıterek» UBH» AQ tóraǵasy A. Áriphanov, «QazAgro» Holdıngi» AQ basqarma tóraǵasy R. Qurmanov baıandady.
Máseleni qaraý qorytyndysy boıynsha, Premer-Mınıstr Baqytjan Saǵyntaev jalpy nysandar satylymy kestege sáıkes júrgizilip jatqanyn atap ótti.
B. Saǵyntaev 8 nysannyń saýda-sattyqqa shyǵarylmaǵanyn jáne qazirgi kezde 67-siniń saýdada turǵanyn eskere otyryp, mınıstrlikter, jergilikti atqarýshy organdar men holdıngterge osy jyldyń sońyna deıin jekeshelendirýge jatatyn nysandardy saýda-sattyqqa shyǵarý jumysyn aıaqtaýdy tapsyrdy. Tizimge engizilgen jańa 48 nysannyń satý aldyndaǵy daıyndyq jumystaryn jedeldetý qajet.
