Premer-Mınıstr 11 aıdyń qorytyndysy oń damý qarqynyn kórsetip otyrǵanyn atap ótti. Úkimet Memleket basshysynyń tapsyrmalaryn iske asyrýdy jalǵastyrýda. Kólik jáne saýda salalarynda qol jetkizilgen joǵary nátıjeler atalyp ótti. Buǵan qosa, ónerkásiptik damýǵa qosymsha serpin berýge tıisti baılanys jáne qurylys salalaryna erekshe kóńil bólý tapsyryldy. Jyl qorytyndysynda JIО́ ósimin 4% kóleminde qamtamasyz etý boıynsha Elbasy tapsyrmasyn iske asyrý úshin barlyq múmkindikter bar.
Qarjy mınıstrliginiń bıýdjettiń atqarylýy máselesi boıynsha málimetterine sáıkes, respýblıkalyq bıýdjetti ıgerý úshin barlyq jaǵdaılar jasalǵan. Jyl qorytyndysy boıynsha bıýdjet shyǵystary 99,6%-ǵa oryndalady, óńirler boıynsha 1,8 mlrd teńge kóleminde ıgermeý oryn alýy múmkin. Biraq, otyrys barysynda oblystar men respýblıkalyq mańyzy bar qalalardyń ákimderi baıandaǵandaı, bıýdjet qarajatyn tolyq ıgerýge múmkindik bar.
Premer-Mınıstr B.Saǵyntaev Memleket basshysynyń tapsyrmasy oryndalýy kerektigin atap ótti. Kelesi Úkimet otyrysynda bul másele, sonymen qatar qoıylǵan mindetterdi oryndaý boıynsha ortalyq memlekettik organdar men ákimdikterdiń jumys qorytyndylary qaralatyn bolady.
