J. Qasymbektiń aıtýynsha, 2018 jyldyń 11 aıynyń qorytyndysy boıynsha ónerkásip óndirisi 104,5% bolǵan (jospar – 103,3 %). Onyń ishinde taý-ken ónerkásibinde 104,7%, al óńdeý ónerkásibinde bul kórsetkish 104,9%-dy kórsetti. Elimizdiń 14 óńirinde ónerkásiptik óndiristiń oń kólemi saqtalyp otyr.
Mınıstrdiń aıtýynsha, taý-ken sektorynda SSTО́B-inde óndiris kóleminiń artýyna baılanysty temir kenin óndirý kólemi 7,3%-ǵa ósti. Tústi metall kenin óndirý kólemi 3,9%-ǵa artqan.
«О́ńdeý ónerkásibinde jyldyq josparlanǵan kórsetkishterge qol jetkizilip, birqatar salalarda ósim baıqalyp otyr. Atap aıtqanda, mashına jasaý salasy 15,7%-ǵa, bylǵary óndirisi 8,1%-ǵa, hımııa ónerkásibi 7,2%-ǵa, qaǵaz óndirisi 5,1%-ǵa, rezeńke jáne plastmass buıymdar óndirisi 2,9%-ǵa jáne jıhaz óndirisi 2,4%-ǵa ósken», — dedi J. Qasymbek.
QR IDM málimetterine sáıkes, kólik kesheni boıynsha 11 aıdaǵy naqty kólem ındeksi 104,6%-dy quraǵan. J. Qasymbek jyldyq josparly kórsetkishke tranzıttik konteınerlik tasymaldar kólemi men Qytaıǵa gaz eksportyn arttyrý esebinen qol jetkiziletinin atap ótti.
Qurylys boıynsha naqty kólem ındeksi 103,9%-dy qurap, josparly kórsetkishke qol jetkizildi (jospar – 103,6%). 13 oblysta oń serpin baıqalady. Degenmen, mınıstrdiń aıtýynsha, jyldyq jospardy oryndaý úshin birqatar óńirlerdiń qurylys jumystarynyń ósý qarqynyn kúsheıtýleri qajet.
«Jalpy qurylys boıynsha josparlanǵan 103,6% jyldyq kórsetkishin Atyraý oblysynda 600 mlrd teńgege, Astana qalasynda 530 mlrd teńgege jáne Almaty qalasynda 340 mlrd teńgeden astam somaǵa qurylys-montaj jumystary kóleminiń esebinen oryndaý kózdelip otyr. Qurylys jumystarynyń ósim qarqyny kórsetkishterine shaǵyn kásipkerlik sýbektileriniń toqsan saıyn usynatyn esepteri yqpalyn tıgizedi. Sonyń esebinen ár toqsan qorytyndysy boıynsha joǵary kórsetkishterge qol jetkiziledi», — deıdi J. Qasymbek.
Turǵyn úı qurylysynyń damýy týraly baıandaı otyryp, mınıstr 11 aıdyń qorytyndysy boıynsha 11 mln m2 turǵyn úı paıdalanýǵa berilgenin, munyń 2017 jyldyń sáıkes kezeńimen salystyrǵanda 114,3%-dy quraıtynyn jetkizdi.
«Jalpy, elimiz boıynsha 96 761 baspana, onyń ishinde 37 026 jeke turǵyn úı paıdalanýǵa berildi. Turǵyn úılerdi paıdalanýǵa berý kóleminiń artýy ótken jylmen salystyrǵanda respýblıkanyń 16 óńirinde jalǵasýda», — dep túıindegen J. Qasymbek, jalpy, 2018 jyldyń qorytyndysy boıynsha Investısııalar jáne damý mınıstrligi jetekshilik etetin barlyq salalar boıynsha naqty kólem ındeksiniń josparlanǵan kórsetkishterine qol jetkizý kózdelip otyrǵanyn atap aıtty.
