Ekonomıka jaǵdaıy týraly baıandaı otyryp, ulttyq ekonomıka mınıstri T. Súleımenov JIО́ turaqty ósimi úsh aı boıy 4,1% deńgeıinde saqtalyp otyrǵanyn atap ótti.
«Joǵary ınvestısııalyq jáne tutynýshylyq suranys, sonymen qatar ekonomıkanyń bazalyq salalaryndaǵy óndiristik belsendilik ekonomıkalyq ósimniń negizgi faktorlaryna aınaldy. Ekonomıka ósimindegi sheshýshi róldi negizgi kapıtalǵa salynatyn ınvestısııalar alyp otyr. Bıylǵy 11 aıda olardyń kólemi 18,3% ósti», — dep málimdedi T. Súleımenov.
UEM derekterine sáıkes, ónerkásiptegi jáne aýyl sharýashylyǵyndaǵy óndiristik belsendilikti keńeıtý kólik salasyna oń áserin tıgizdi. Sondaı-aq, tómen ınflıasııanyń jáne halyq tabystarynyń ósýi aıasynda saýda da ósti. Jalpy qyzmet kórsetý salasy 4% ósimdi qamtamasyz etti jáne JIО́ ósimne 2,3 p.t. ósim qosty.
Syrtqy saýda aınalymy turaqty ósim qarqynyn saqtap otyr. 9 aıda ósim 21,6% qurady. Eksport 28,2% ósti. Bul negizinen munaıdy, AО́K ónimderin, munaı gazdaryn, alıýmınııdi jáne mys kenderin jetkizýdiń artýyna baılanysty.
«Eńbek naryǵyndaǵy jaǵdaı turaqty. Osy jyldyń basynan beri 468,6 myń adam jumysqa ornalastyryldy (1 qarashadaǵy jaǵdaı boıynsha). Jalaqy kólemi qarqyndy túrde ósip keledi. Bıylǵy qańtar–qazan aılarynda ortasha aılyq jalaqy 159,5 myń teńgege deıin ulǵaıdy. Baǵalaý boıynsha naqty kóriniste 2,2% ósti», — dep ulttyq ekonomıka mınıstri T. Súleımenov osy jylǵy qańtar–maýsymda elimizdiń 13 óńirinde naqty kiristerdiń ósimi baıqalyp otyrǵanyn atap ótti.
UEM baǵalaýy boıynsha, jalpy ınflıasııa ósiminiń báseńdeýi aıasynda naqty aqshalaı kirister osy jyldyń qorytyndysy boıynsha oń aımaqta saqtalady.
Sonymen qatar, T. Súleımenov aldaǵy mereke kúnderine oraı tutynýshylyq suranys odan ári ósetinin, sáıkesinshe, saýda ósimi bolatynyn, onyń JIО́ qurylymyna oń áserin tıgizetinin aıtty.
Ulttyq bank tóraǵasy D. Aqyshev óz kezeginde 2018 jylǵy qarashada ınflıasııa deńgeıi 0,9% quraǵanyn jetkizdi. Jyldyq ınflıasııa qazan aıyndaǵy deńgeıde saqtalyp, 5,3% qurady. Bul jyldyq ınflıasııanyń 2015 jyldan beri eń tómengi kórsetkishi. Inflıasııa jyl qorytyndysy boıynsha 5–7% maqsatty dálizinde bolady dep boljanǵan. Bıylǵy 5 jeltoqsanda Ulttyq bank bazalyq mólsherlemeni 9,25% deńgeıinde saqtaý týraly sheshim qabyldady. Atalǵan sheshim teńge men aktıvterge degen suranysty arttyrýǵa jol ashady.
