Astanada ótken jyl saıynǵy kongress eki kúnge sozylyp, jıynnyń alǵashqy bóliginde federasııa komıtetteriniń otyrys ótti. Basqosý barysynda trıatlon federasııasyn damytý josparlary bekitilip, kelesi jyldyń basty sporttyq oqıǵalaryna mán berildi.
Al kongrestiń ekinshi kúninde QTF prezıdenti Kárim Másimovtiń jetekshiligimen, QTF vıse-prezıdentteri Aıdyn Rahymbaev pen Ǵalymjan Esenovtiń, mádenıet jáne sport mınıstrligi jáne Ulttyq Olımpıadalyq komıtet ókilderiniń qatysýymen saltanatty otyrys ótti.
Jıynda QTF bas hatshysy Maksım Krıat bıylǵy jyldy qorytyndylap, kelesi jyldyń josparlaryn jarııa etti. Kongress sońynda Kárim Másimov bıylǵy maýsymda jaqsy qyrynan kózge túsken sportshylar men bapkerlerdi marapattady.
«Jyl jańalyǵy – úzdik jas sportshy» atalymynda Býenos-Aırestegi jasóspirimder Olımpıadasynyń qatysýshysy Danııl Zýbsov (Shymkent) jeńimpaz atandy.
«Jyl sportshysy» ataǵyn Azııa oıyndarynyń kúmis júldegeri Aıan Beısenbaev (Aqmola oblysy) ıelendi.
«Jyldyń úzdik bapkeri» ataǵy QTF bas bapkeri Andreı Glýshkoǵa berildi. Sondaı-aq, "Qarqyndy damyp kele jatqan aımaqtyq federasııa" atalymynda Astana qalasynyń, "Jyl federasııasy" atalymynda Almaty qalasynyń trıatlon federasııasy jeńiske jetti.
