Úzdikter tiziminde Qazaqstan Premer-lıgasynda óner kórsetip júrgen úsh oıynshy bar. Olar – Gegam Arýtıýnıan («Shahter» Qaraǵandy), Kamo Oganesıan («Jetisý» Taldyqorǵan) jáne Markos Pızzellı («Aqtóbe»). Osy úshtiktiń arasynan Armenııanyń úzdigi atanýǵa sońǵysy múmkindigi mol. 1984 jyly Brazılııada týyp-ósken Markos Pızzellı birer ýaqyt óz eliniń «San-Karlýsh» klýbynda oınady. 2006 jyly ol Erevannyń «Araratyna» aýysty. Eki jyl qatarynan Armenııanyń eń úzdik shabýylshysy atandy. Odan keıingi jyldary «Ararat» (Mýlıno), «Pıýnık» (Erevan), «Metallýrg» (Donesk), «Kýban» (Krasnodar), «Ál-Raed» pen «Ál-Shabab» (Saýd Arabııasy), «Ál-Fýdjaıra» (BAÁ) jáne «Ksantı» (Grekııa) klýbtarynyń namysyn qorǵady. 2014-2015 jyldary «Aqtóbede» oınaǵan jartylaı qorǵaýshy 2018 jyly aıtýly komandaǵa qaıta oraldy.
2008 jyldan beri Markos Pızzellı Armenııa qurama komandasy sapynda óner kórsetýde. Sol kezden beri 65 ret jasyl alańǵa shyǵyp, 11 goldyń avtory atandy. Bıylǵy maýsymda «Aqtóbe» klýby sapynda ótkizgen 24 kezdesýde ol qarsylastar qaqpasyn 18 márte dál kózdep, Qazaqstan chempıonatynyń surmergeni atandy.
28 jastaǵy shabýylshy Gegam Arýtıýnıan Qaraǵandynyń «Shahter» klýby sapynda ótken maýsymda oınady. Al 26 jastaǵy qorǵaýshy Kamo Oganesıan da «Jetisýdiń» quramyna 2018 jyly qabyldanǵan bolatyn.
Ǵalym SÚLEIMEN,
«Egemen Qazaqstan»
