Asqar Mamın munyń otandyq avtomobıl jasaý salasy úshin strategııalyq joba ekenin atap ótti, bul salanyń damý qarqyny artyp, syrtqy naryqtarǵa shyǵý úshin eksporttyq áleýeti ulǵaıatyn bolady. Joba «Jibek jolynyń ekonomıkalyq beldeýi» baǵdarlamasynyń mańyzdy bóligi bolyp tabylady jáne ındýstrııalandyrý men ınvestısııalardaǵy Qazaqstan-Qytaı yntymaqtastyǵynyń tizimine enedi.
Genertec (China General Technology Group) — qytaıdyń memlekettik konglomeraty, mashınajasaý, farmasevtıka, ınjenerlik merdigerlik, qurylys jáne jyljymaıtyn múlik, sondaı-aq tehnıkalyq konsaltıng salalaryn qamtıdy. Kompanııanyń jyldyq aınalymy — $31 mlrd. Eksporttyq ınvestısııalyq qorjyny — $180 mlrd.
SMS (China National Machinery IMP. & EXP. CORP.) — iri halyqaralyq jobalaýshy, jobalardy basqarýda qyzmet kórsetý boıynsha merdiger jáne avtomobıl salasynda kórsetiletin qyzmetterdi jetkizýshi. Genertec quramyna kiredi.
Birlesken kásiporyndy damytý aıasynda seriktester saladaǵy óndiris kólemin 100 000 dana avtomobılge jáne jergiliktendirý deńgeıin 50%-ǵa deıin jetkizýdi kózdep otyr. Qostanaı qalasynda avtomobıl qurastyrý óndirisin damytý avtomobıl óndirisinde jańa jumys oryndaryn qurýǵa múmkindik beredi.
Genertec basqarma tóraǵasy Lý Iımın kelissózder barysynda birlesken joba aıasynda óndiristi jergiliktendirý barynsha ulǵaıtylyp, brendter qorjyny arttyrylyp, jańa tehnologııalar engiziletinin aıtty.
Qazaqstan men EAEO aýmaǵyna qurastyrý bólikterin jetkizýshiler tańdalyp alynady, tutynýshylarǵa avtomobılderge sapaly servıstik qyzmet kórsetýdi qamtamasyz etý boıynsha jumystar jalǵastyrylady.
Birlesken kásiporynǵa salynǵan ınvestısııalardyń jalpy somasy shamamen $1,1 mlrd bolmaq.
Qytaılyq seriktespen jáne ınvestormen birlesip, 2019–2021 jj. óndiristi damytý strategııasy aıasynda JAC, ANKAI, HOWO, HANTENG brendindegi atvomobılderi shyǵarý josparlanyp otyr.
Qol qoıý rásimine sondaı-aq Qazaqstandaǵy QHR Elshisi Chjan Sıao, ınvestısııalar jáne damý mınıstri Jeńis Qasymbek, «Báıterek» holdınginiń basqarma tóraǵasy Aıdar Áriphanov, Qazaqstan Damý bankiniń basqarma tóraǵasy Bolat Jámishev, Bank of China International prezıdenti Sýn Szınshan qatysty.
