Alekseı Ýt­kınniń jeke kór­­mesi kórermenge jol tart­ty

Qazaqstan Sýretshiler odaǵynyń múshesi Alekseı Ýtkın sýret áleminde ózi­ne tán qoltańbasyn qalyp­tas­tyrǵan óner ıesi. Ol uzaq jyldar boıy ózi oqyǵan sa­ńyraý balalarǵa arnalǵan mektepte sýret páninen sabaq berdi. 1995 jyly «Sańyraý sýretshilerdiń qaýymdastyǵy» beıkommersııalyq birlestigin quryp, talaı daryndardyń qanattanýyna jol ashty. 

Kórmeden daryndy sý­ret­shiniń san túrli stıl men tehnıkada oryndalǵan kóp­tegen jańa jumystaryn kezdes­tirýge bolady. Qyl­qalam ıe­sin bas­qalardan da­ralap tu­ratyn kúsh – shyǵar­malardaǵy ekpindi emosııa men jarqyn jiger. Kartınalardyń óne boıyna úńilseńiz, forma men tús, tereń mazmun, utymdy kompozısııalyq she­shim sýretshi úshin basty oryn­da ekenin anyq ańǵarasyz. Ishinara karıkatýraǵa jaqyn portret-sýretter de kózge jy­ly ushyraıdy. 

«Kóptegen týyndylary­nan Alma­tynyń taý bókter­lerinen jaıylyp jatqan qala peızajdaryn kóremiz. Ol osy qalany jańa qyrynan ashýdan sharshamaıdy jáne ony óz týyndylarynda jyr­laýdy toqtatpaıdy. She­ber­diń shyǵarmashylyq joly Va­shıng­tondaǵy «Jol» kór­me­sin jáne Qazaqstandaǵy Nı­der­landy Ko­roldigi el­shi­­liginiń «Qyzǵaldaq já­ne adam» kórmesin qosa alǵan­da on­da­ǵan kórmeler men ma­ra­pat­tardan turady», deı­di kórme jetekshisi Klara Isabaeva.

Ol keıiptegen shyǵar­ma­daǵy tal-terekten saý­dy­raǵan sap-sary japy­raq­tar kúreń kúzdiń qushaǵyna tar­typ kóńil túkpirindegi saǵy­nysh sezimderin shymshy­laıdy; ol keıiptegen qys kel­beti baıa-shaıa tirshiliktiń bat­paǵynan arylyp, ómirge qar­daı taza kóńilmen úńilýge shaqy­rady – ol keıiptegen kartınalardan Almatynyń mezgil áýenderi esedi...

Arman OKTIаBR,

«Egemen Qazaqstan»

ALMATY