Fransııa bıligi bul oqıǵany terakt dep baǵalap otyr. Fransııalyq BAQ ókilderiniń jazýynsha, qarýly shabýyl jasaǵan azamattyń esimi belgili. Qazirgi tańda izdestirý jumystary júrgizilip jatyr. Osy oqıǵaǵa baılanysty Fransııa prezıdenti Emmanýel Makron Elıseı alańynda ótýi tıis májilisti toqtatty.
Qazaqstan Respýblıkasy Syrtqy ister mınıstrligi Strasbýrgtiń kóshelerinde oryn alǵan atys kezinde qaza tapqandar men jaraqat alǵandardyń arasynda Qazaqstan azamattarynyń bar joqtyǵyn anyqtaýda. Fransııadaǵy dıplomattarymyz jergilikti quqyq qorǵaý organdarymen tyǵyz baılanysta.
Fransııada júrgen azamattarymyzdyń esterine salamyz, tótenshe jaǵdaı týyndaǵan kezde sheteldegi mekemeniń jáne QR Syrtqy ister mınıstrliginiń saıttarynda kórsetilgen baılanystar arqyly Elshilikke dereý habarlasyńyz.
