Belgili jazýshy 1928 jyly 12 jeltoqsanda Qyrǵyz, Respýblıkasy Talas óńiri, Sheker aýylynda dúnıege kelgen.
Onyń «Aspaly kópir», «Jámıla», «Alǵashqy ustaz», «Qosh bol, Gúlsary», «Ertegiden soń», «Erte qaıtqan tyrnalar» taǵy basqa áńgime, povest jınaqtary, «Janpıda», «Borandy beket» romandary jaryq kórdi. «Kóktóbedegi kezdesý» (Q. Muhamedjanovpen birge) spektakli kóptegen elderdiń teatr sahnalarynda qoıyldy. Aıtmatov jazýshy M. O. Áýezovtyń mol salaly, keń arnaly shyǵarmashylyǵyna oı aıtqan «Ustaz týraly sóz» atty maqalasynda «Abaı joly» epopeıasynyń bas keıipkeri - Abaı tulǵasyna toqtala kelip: «Abaı sekildi oı-armany azat, shetsiz aqyndyq, sheksiz adamdyq tulǵanyń ózin qorshaǵan ojar, topas toń moıyn toppen tartysqa túsýi jáne mundaǵy sırek ushyrasatyn jańalyq pen tazalyq Abaıdy dúnıejúzilik tragedııanyń shyńyna shyǵarady...» - dep jazdy.
Aıtmatov KSRO Memlekettik syılyqtarynyń, Lenındik syılyqtyń, kóptegen halyqaralyq syılyqtardyń laýreaty.
