Bul esim jankúıerlerge jaqsy tanys. Marına kórkem gımnastıkadan Olımpııa oıyndarynyń jeńimpazy atanǵan KSRO-nyń tuńǵysh sportshysy. Bul ataqqa Lobach 1988 jyly Seýlde qol jetkizdi. Odan bólek, belarýssııalyq arý 1987 jyly Varnadaǵy álem chempıonatynda 1 altyn jáne 2 qola medaldi ıelense, 1985 jyly Valıadolıdte qolaǵa qol sozdy. Eýropa birinshiliginde jeńip alǵan 2 altyn men 2 qola medali taǵy bar. Al 1986 jyly Máskeýde jalaýy jelbiregen Izgi nıet oıyndaryn 2 altyn jáne 2 kúmis júldemen qorytyndylady.
Mine, osy sańlaq sportshynyń qurmetine Mınskide jyl saıyn dúbirli doda ótip turady. Bıylǵy jarysta 10 memlekettiń sulýlary baq synady. Osy básekede qazaqstandyq Sábına Baqatovanyń baǵy janyp, ol kúmis medaldi moınyna ildi. Bul jerlesimizdiń halyqaralyq jarystardaǵy alǵashqy tabysy emes. Ústimizdegi jyly astanalyq arý Malaızııanyń astanasy – Kýala-Lýmpýrde ótken Azııa birinshiliginde 2 altyn jáne 1 qola medaldi jeńip alǵan edi.
Ǵalym SÚLEIMEN,
«Egemen Qazaqstan»
