Anyqtamalyqtyń mazmuny elimizdiń keshegi, búgingi jarqyn kelbetimen tolyqtyrylǵan.
Tanystyrylym barysynda ensıklopedııanyń bas redaktory Qýanysh Tazabekov qazaqstandyq rekordtar kitabynyń keıipkerlerine arnaıy sertıfıkattar tabys etti. Olardyń qatarynda eń tanymal jáne áıgili djaz ánshi Iren Aravına, aktrısa, rejısser, ARTıShOK táýelsiz eksperımentaldyq teatrynyń negizin qalaýshylardyń biri jáne kórkemdik jetekshisi Galına Pıanova, «Turan» folklorlyq-etnografııalyq ansambli, «segizdik» shege baılaıtyn ujym – qazaqstandyq úlken kúsh ıesi, rekordshy Sergeı Syrýlnıkov, 1980 jylǵy HHII jazǵy Olımpıada oıyndarynyń (grek-rım kúresi) alǵashqy qazaq chempıony Jaqsylyq Úshkempirov, sondaı-aq, aty ańyzǵa aınalǵan qazaqstandyq baıker Dmıtrıı Petrýhın, qazaqstandyq alpınızm ańyzdary Qazbek Valıev pen Maqsut Jumaev, Nomad kaskaderlik komandasy, Qazaqstannyń №1 donory Aleksandr Skakovskıı, denede segiz kılogrammǵa deıingi metall zattardy ustap turýǵa qabiletti «magnıt áıel» Qarylǵash Nıgmetova, Qazaqstandaǵy alǵashqy zaǵıp telejúrgizýshiler – Mádına Ermahanova men Erbek Bakıev jáne t.b. Osy kezdesý aıasynda Nıý-Iorkten beıneúndeý arqyly 2017 jyly Nıý-Iork qalasynyń úzdik polıseıi atanǵan kásibı bokstan álem chempıony, qazaqstandyq rekordtar kitabynyń keıipkeri Dımash Nııazov quttyqtaý lebizin bildirdi.
Sertıfıkattardy tabystaý rásiminen keıin keıipkerlerdiń qatysýymen jarqyn kórsetilim ótti.
Elvıra SERIKQYZY,
«Egemen Qazaqstan»
ALMATY
