Sharaǵa «Shapaǵat» destrýktıvtik dinı aǵymdardan japa shekkenderge kómek kórsetý ortalyǵynyń teology Sultangeldi Sarıev, Atyraý kólik prokýratýrasynyń prokýrory, kishi ádilet keńesshisi Erbolat Rahmanov, Atyraý stansııasy jelilik polısııa bólimi krımınaldyq polısııa bólimshesiniń aǵa jedel ýákili, polısııa maıory Saıfolla Qulshıev qatysty.
«Destrýktıvtik dinı aǵymdardyń aldyn alý» taqyrybynda ótken kezdesýde aldymen teologtyń dárisi tyńdaldy, sharaǵa qatysqan jolserikter taqyryp aıasynda tolǵandyryp júrgen saýaldaryn qoıdy.
Dáriste teolog Sultangeldi Sarıev Ýáhhabılik-Sáláfılik aǵymnyń shyǵý tarıhy jáne onyń túrleri men erekshelikteri týraly daıyndalǵan arnaıy slaıd arqyly sáláfıtterden bólinip shyqqan Madhalıtter, Sýrýrıtter, Tákfirshiler jáne Haddadııalar týraly túsinik berdi. Dástúrli hanafı mazhaby jáne destrýktıvti dinı aǵym ókilderiniń namaz oqý úlgisi, dástúrli baǵyttaǵy ýaǵyzshylardy, ulttyq qundylyqtardy nasıhattaıtyn dinı ádebıetter tizimi kórsetildi.
- Jolserikter únemi halyqpen tyǵyz baılanysta jumys isteıtindikten, dinı saýatty bolýy tıis, - deıdi Atyraý stansııasy jelilik polısııa bólimi krımınaldyq polısııa bólimshesiniń aǵa jedel ýákili, polısııa maıory Saıfolla Qulshıev. –Osyndaı sharalardy uıymdastyrý arqyly teris aǵymdardyń zııandy tustaryn túsindirip, qarsy ımmýnıtet qalyptastyrýdy maqsat ettik. Keńeıtilgen dáriske qatysýshylar taqyrypqa nemquraıly qaramaı, belsendi aralasty, mundaı kezdesýler alǵa qaraı da jalǵasyn tabady.
Baqytgúl BABASh,
«Egemen Qazaqstan»
Atyraý
