Rýhanı mádenı sharanyń Dostyq úıi «Qoǵamdyk Kelisim» ortalyǵy jergilikti Assambleıamen birlesip uıymdastyrdy.
Festıvalǵa elimizdegi Polsha elshiliginiń vıse-konsýly Norbert Rafalık, Moldova Ulttyq kásipodaqtar konfederasııasynyń ókili Elena Karkılan keldi.
- Bul kúnderi elimizdegi Assambleıanyń mán-mańyzy zor. Bizdiń qalada ózge ult ókilderiniń qazaq tilinde án salatyn patrıottyq ánder festıvali ótýde. Otanshyl qazaqstandyq jastar erjetti. Jastar arasynda otansúıgishtik pen elge, memlekettiń tiline degen qurmetke tárbıeleıtin osyndaı rýhanı is-sharalar, -deıdi jergilikti Assambleıa tóraǵasy Seısenbaı Jetpisbaev.
Konserttik baǵdarlamany «Kardes» grek vokaldyq tobynyń «Elge salem» atty ánimen ashyldy.
Is-sharaǵa barlyǵy 18 etno vokaldyq ujymdar qatysty. Olardyń qatarynda «Narsız», «Mıras» , «Iаrılo» , «Speranse» , «Erebýnı», «Ioshlık», «Wir» , «Illı» , «Lıleıa» ,«Kympıtsorı» ,«Týǵan jer» ,«Odlar Iýrdý» ,«Teberda» sııaqty túrli etno mádenı birlestiker ujymdar memlekettik tilde týǵan jer, aýylǵa, dostyq, Astana, Táýelsizdikke arnalǵan ánderdi, Saryarqa áýenderin shyrqady.
Festıval sońynda barlyq qatysýshylar dıplomdarmen jáne estelik syılyqtarmen marapattaldy.
Farıda BYQAI,
«Egemen Qazaqstan»
PAVLODAR
Sýretti túsirgen: Maqsat Aıtbaı
