Jobanyń negizgi mindetteri - turǵyndardyń sybaılas jemqorlyqqa qarsy minez-qulyq úlgisin odan ári damytý men jemqorlyq máselesin memlekettik qyzmet kórsetý sapasyn arttyrý arqyly sheshý, turmystyq jemqorlyqty joıý, azamattar jáne bıznes úshin kedergisiz jáne qolaıly jaǵdaılar jasaý, memlekettik organdar qyzmetiniń ashyqtyǵy, aýqymdy qoǵamdyq baqylaý júrgizý.
Joba aıasynda memlekettik mekeme qyzmetkerleriniń eńbekaqysyn qaıta qaraý, mekeme basshylarynyń jeke jaýapkershiligin arttyrý, qyzmetterdiń barlyq baǵyttary boıynsha sybaılas jemqorlyqqa qarsy is-qımyldy arttyrý jáne taǵy basqa máseleler qamtylady. Mańǵystaý turǵyndary men qonaqtary memlekettik organdardyń qyzmetin jaqsartý jáne sybaılas jemqorlyqtyń deńgeıin tómendetý, joıý boıynsha ózderiniń usynystaryn eńgize alady. Sondaı-aq, jumys barysynda týyndaǵan máselelerdi qaraý úshin kásipkerler, ǵalymdar, azamattyq sektordyń jáne BAQ ókilderi arasynan sarapshylar tartylmaq.
- keńseniń ashylý saltanatynda sóz sóılegen Saıan Qylyshuly, bul bastama jemqorlyqtyń faktory retindegi adamı qajettilikti joıý úshin memlekettik qyzmetshilerdi qolaıly eńbek aqymen qamtamasyz etý, qyzmettiń barlyq baǵyttary boıynsha memlekettik organdar men uıymdar basshylarynyń derbes jaýapkershiligi máselelerin qaraýǵa baǵyttalǵanyn aıtty.
«Sońǵy jyldary Elordada quqyq tártibin arttyrý jáne turǵyndar men qonaqtar úshin jaǵdaı jasaýda belsendi ınnovasııalyq tásilder iske asyrylyp keledi. Búginde Astana basqa da Qazaqstan aımaqtary úshin laıyqty "aqyldy qala" úlgisi bolyp otyr. Sońǵy Joldaýynda Elbasymyz Astananyń bul kreatıvti tájirıbesin elimizdiń barlyq óńirlerine engizý mindetin qoıdy. «Mańǵystaý – adaldyq alańy» jobasy azamattardyń sybaılas jemqorlyqqa qarsy kózqarasyn kúsheıtip, qoǵamda jemqorlyqqa qarsy ahýaldy qalyptastyrýǵa baǵyttalǵan», - dedi ol.
Sonymen qatar, «Mańǵystaý – adaldyq alańy» jobasyna sáıkes, sybaılas jemqorlyqqa qarsy is-qımylda jańa ádister engizý maqsatynda joba menedjmenti qoldanylatyn bolady. Ol maqsatta, joba aıasynda Mańǵystaý oblysy ákimdiginiń, jergilikti atqarýshy organdar qyzmetkerleri qatarynan joba keńsesi qurylyp, turǵyndardyń turmys sapasyn arttyrýǵa bar kúshimizdi salamyz degen tilegin jetkizdi.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
