Tańǵajaıyp qurylys oblys ortalyǵynyń sáýletine ózgeshe sán berip jarqyrap tur. Sport súıer qaýymdy, sýda júzgish jastardy ózi-aq shaqyryp turǵandaı.
Jalpy quny 2,7 mlrd teńge turatyn jobanyń júzege asýyna ERG Toby, KAZ Minerals, «SATEK» AQ demeýshilik kórsetti
Jańa nysannyń iske qosylýymen qala turǵyndaryn oblys ákimi Bolat Baqaýov quttyqtady.
- Bul basseıin óndiris alpaýyttary, áleýmettik seriktesterdiń qoldaýymen salynǵan, - dep atap ótti B. Baqaýov. – Júzý-Olımpıadalyq sporttyń mańyzdy túri. Bizdiń olbysta sporttyń bul túrimen 5000-nan astam adam aınalyssa, 80 adam elimizdiń ulttyq qurama komandasyna alynǵan.
Halyqaralyq talaptarǵa saı júzý basseıni joǵary deńgeıdegi jarystardy ótkizýge arnalǵan. Júzý jolaqtarynyń janynda 300 oryndyq minberleri bar. Basseın sýy halyqaralyq standartqa saı bolýy shart. Sondyqtan, júzýge arnalǵan sý tazartýdan ótkiziledi. Múmkindigi shekteýli jandarǵa da jaǵdaı jasalǵan.
О́ńirde budan basqa jabyq jeńil atletıkalyq fýtbol maneji men olımpıadalyq rezervti daıyndaý ortalyǵy jobasynyń qurylysy bastalady.
Al, ERG dırektorlar keńesiniń tóraǵasy Aleksandr Mashkevıch óndiristi óńirde sporttyq nysannyń qurylysyna kompanııanyń úles qosqany úlken qýanysh ekenin atap ótti.
Ýsolka shaǵyn aýdany búgingi kúni jańa turǵyn úıler keshenine aınalǵan. Sońǵy jyldary «Nurly jer» baǵdarlamasy boıynsha jáne kompanııalardyń qoldaýymen taǵy birneshe turǵyn úıler boı kóterýde.
Bul aýdanda kardıologııalyq ortalyq, № 4 qalalyq emhana, Nazarbaev Zııatkerlik mektebi, shańǵy-roller bazasy ornalasqan, ózen jaǵasynda akademııalyq eskek esýshiler orny da ashylǵan.
Farıda BYQAI,
«Egemen Qazaqstan»
PAVLODAR
