Kezinde Qazaqstan voleıbolynyń dańqy alysqa jaıylǵanyn egde tartqan jankúıerler umyta qoıǵan joq. Oktıabr Jarylqapovtaı maıtalman maman irgetasyn qalaǵan Almatynyń «Býrevestnık» klýby basynda talaı bıik belesterdi baǵyndyrdy. Alpysynshy jyldardyń ekinshi jartysynda KSRO chempıonatynyń Joǵary tobyna joldama alǵan jerlesterimiz qysqa ǵana merzim aralyǵynda ózderiniń myqtylyǵyn moıyndatty. Sheberler tobyndaǵy alǵashqy maýsymda segizinshi oryn alǵan «Býrevestnık» 8 orynǵa taban tiregen olar kelesi maýsymda tórtinshi satyǵa jaıǵasty. 1967 jyly júldegerler sanatyna qosylyp, qola medaldi ıelendi. 1968 jyly bizdiń voleıbolshylar taǵy bir saty joǵarylap, kúmiske júldege qol sozdy. Al 1969 jyly Qazaqstannyń voleıbolshylary ózderiniń tarıhı jeńisine qol jetkizdi. Sol maýsymda kil myqtylardyń barlyǵyn qapy qaldyrǵan «Býrevestnık» aıdy aspanǵa bir-aq shyǵaryp, KSRO chempıony atandy. Ol az deseńizder, 1970 jəne 1971 jyly Eýropa chempıondary kýbogyn oljalady. Osy ujymda sheberligin shyndaǵan oıynshylar ýaqyt oza óz dəýiriniń teńdessiz oıynshylaryna aınaldy. Almatylyq órender Olımpııa oıyndary, əlem jəne qurlyq chempıonaty jəne basqa da halyqaralyq jarystarda jeńis tuǵyryna kóterildi.
Mine, osyndaı dańqty komandanyń qurmetine jyl saıyn osyndaı keremet jarys uıymdastyrylýda. Bıylǵy báseke 11 jeltoqsanda bastalyp, 15 jeltoqsanda óz máresine jetedi. Qazirgi kezde Qyrǵyzstan, О́zbekstan, Túrkimenstan jáne Reseıden kelgen komandalarmen qatar, ózimizdiń «Býrevestnık-Almaty» klýby da baq synaýda.
Ǵalym SÚLEIMEN,
«Egemen Qazaqstan».
ALMATY
