Qazaqstan, AQSh jáne Ýkraınadaǵy jarystarda ózin jaqsy qyrynan kórsetken 27 jastaǵy Aıdos Erbosynuly (9-0, 7 KO) 25 jastaǵy belgııalyq Ilıas Achergýmen (12-3-1, 6 KO) kúsh synasady. Orta salmaqta ótetin bul jekpe-jekte WBO Global nusqasynyń altyn belbeýi sarapqa salynady.
Jartylaı orta salmaqtaǵy 26 jastaǵy Nursultan Janabaev (5-0, 4 KO) WBC Asia nusqasynyń aımaqtyq belbeýi úshin talasady. Onyń qarsylasy – 34 jastaǵy Arnel Tınampaı. Fılıppın boksshysy óte tájirıbeli. Ol 48 ret rıngke kóterilip, 25 márte jeńiske jetti. 11 qarsylasyn nokaýtpen utty. 22 ret utylyp, taǵy bir aıqas teń aıaqtaldy.
Reıtıngtik básekede Álı Baloev pen Konstantın Brýsenskıı baq synaıdy. 25 jastaǵy Baloevty jankúıerler jaqsy biledi. Ol jeti ret jekpe-jekke shyǵyp, barlyǵynda jeńis toıyn toılady. Alty qarsylasyn esinen tandyrdy. Birinshi aýyr salmaq dárejesindegi tanymal bapker Saǵatbek Musahanovtyń shákirti Ekvadordyń ókili Jan Karlos Mınamen (6-1, 2 KO) judyryqtasady.
Al kásipqoılar arasynda tusaýkeser kezdesýin ótkizgeli otyrǵan jeńil salmaqtaǵy Konstantın Brýsenskııdiń qarsylasy ázirge belgisiz.
Ǵalym SÚLEIMEN,
«Egemen Qazaqstan»
