«Ile Alataýy» ulttyq tabıǵı parki RMK bıolog-ańshylary qar barysynyń mıgrasııalyq jolyn kórý úshin 2018 jyldyń qazany men jeltoqsany aralyǵynda fototuzaq qoıǵan bolatyn.
Fotoappparattar taýdyń joǵarǵy jaǵyndaǵy shyrsha ormany arasynda ornatylǵan edi.
Júrgizilgen jumys barysynda Ile Alataýy ulttyq parki aımaǵynda tarıhta tuńǵysh ret biregeı vıdeomaterıal túsirildi.
Beınekadrda 3 janýardyń taý betkeıin boılaı mańǵaz basyp ketip bara jatqany túsip qalǵan. Ulttyq park mamandarynyń baǵamdaýynsha, kameranyń aldynan urǵashy barys 1,5 jasar kúshikterin ertip ótken.
Qar barysy – Qazaqstannyń erekshe qorǵalatyn janýary. Sońǵy derekterge súıensek, elimizde shamamen 120-130 qar barysy qaldy. Qar barysy mekendeıtin jerlerdiń jalpy kólemi 50 myń gektardy qurap otyr.
