Ispanııanyń «Barselonasy» men «Realy», Germanııanyń «Bavarııasy», Gollandııanyń «Aıaksy», Italııanyń «Romasy» men «Iýventýsi» jáne Anglııanyń «Manchester Sıtıi» men «Manchester Iýnaıtedi» óz josparlaryn kúni buryn júzege asyrsa, kóp keshikpeı olardyń qataryna Ispanııanyń «Atletıko», Germanııanyń «Borýssııa» men «Shalke-04» jáne Portýgalııanyń «Portý» klýbtary qosyldy.
Altynshy týrda «S» tobynda asa shıelenisti básekeler ótti. Serbııanyń «Srvena Zvezdasynan» basqa úsh komandanyń da pleı-offqa shyǵýǵa múmkindikteri boldy. Aýtsaıder óz alańynda PSJ-ǵa laıyqty qarsylyq kórsete almaı 1:4 esebimen utyldy. Fransııalyq ujym birinshi oryndy oljalasa, ekinshi joldama úshin tartys «Lıverpýl» men «Napolı» arasynda ótti. Bul matchta 1:0 esebimen jeńiske jetken aǵylshyndar ekinshi satyǵa jaıǵasty.
Sol sekildi «V» tobyndaǵy ekinshi joldama úshin «Tottenem» men «Inter» talasty. Syrt alańda «Barselonamen» teń túsken aǵylshyndardyń asyǵy alshysynan túsip, olar kelesi kezeńge ótti. О́z alańynda PSV-nyń jeńe almaǵan «Inter» úshinshi orynda qalyp qoıdy. Bul kezdesýlerdiń ekeýi de 1:1 esebimen aıaqtaldy.
Búgin túnde 1/8 fınaldyq saıystyń sońǵy joldamasyna ıelik etetin komanda anyqtaldy. Kıevte ótken matchta «F» tobynda óner kórsetetin «Shahter» men «Lıon» kúsh synasty. Bul oıyn 1:1 esebimen teń aıaqtaldy. Sonyń nátıjesinde fransýzdar segiz upaımen kelesi kezeńge shyqty. Osylaısha, ÝEFA Chempıondar lıgasynyń pleı-off kezeńine shyqqan 16 komanda tolyqtaı anyqtaldy.
О́z toptarynda úshinshi orynǵa taban tiregen Belgııanyń «Brıýgge», Ispanııanyń «Valensııa», Italııanyń «Inter» men «Napolı», Portýgalııanyń «Benfıka», Túrkııanyń «Galatasaraı», Ýkraınanyń «Shahter» jáne Chehııanyń «Vıktorııa Plzen» klýbtary Eýropa lıgasynda óner kórsetedi.
Al sońǵy oryndarda qalyp qoıǵan «Monako» (Fransııa), PSV (Gollandııa), AEK (Grekııa), «Hoffenhaım» (Germanııa), SSKA men «Lokomotıv» (Reseı), «Srvena Zvezda» (Serbııa) jáne «Iаng Boız» (Shveısarııa) úshin bıylǵy Eýromaýsym aıaqtaldy
Ǵalym SÚLEIMEN,
«Egemen Qazaqstan»
