«Memleket basshysynyń tapsyrmasyna sáıkes, úkimetaralyq komıssııalar qyzmetiniń tıimdiligin arttyrý máselesi QR SIM-niń únemi baqylaýynda tur. Sondyqtan, syrtqy saıası vedomstvonyń bastamasymen atalǵan komıssııa qurylǵan. Onyń negizgi maqsaty - úkimetaralyq komıssııalardyń is júzindegi tıimdiligin arttyrý jáne tıisti memlekettik organdardyń qyzmetine baǵa berý boıynsha sharalardy ázirleý bolyp tabylady», - dedi Q. Ábdirahmanov.
SIM basshysynyń aıtýy boıynsha úkimetaralyq komıssııalardyń elimizdiń syrtqy saıasatyn iske asyrýdaǵy mańyzdy tetigi, sonymen qatar Qazaqstannyń ekonomıkalyq dıplomatııasyn ilgeriletýdiń pármendi quraly bolyp tabylatynyn erekshe atap ótti. «Bizdiń ortaq maqsatymyz úkimetaralyq komıssııalardyń tıimdiligin arttyrý bolyp tabylady. Bul sebepten, olardyń kún tártibindegi máselelerdi Qazaqstanǵa teris áserdi tómendetý jónindegi sharalardy ázirleý úshin sanksııalar men saýda-sattyq soǵystarynyń san qyrlary turǵysynan qarastyrý mańyzdy», - dep aıtty Mınıstr.
Qazirgi ýaqytta memlekettik deńgeıde ekijaqty saýda-ekonomıkalyq yntymaqtastyqty nyǵaıtý jáne keńeıtý úshin járdem kórsetýge arnalǵan ornyqty ınstıtýsıonaldyq jeli quryldy. Shet eldermen birqatar salalyq baǵyttar boıynsha 133 qurylym, onyń ishinde 60 úkimetaralyq komıssııa, 22 kishi komıssııa jáne 51 jumys toby jumys isteıdi.
Otyrys barysynda QR Úkimetiniń 2018 jylǵy 24 tamyzdaǵy №517 qaýlysymen bekitilgen birlesken úkimetaralyq komıssııalardyń qazaqstandyq bóligi týraly erejege engizilgen ózgertýler túsindirildi. Atalǵan ózgeristerdiń maqsaty - QR Premer-Mınıstriniń orynbasarlaryn ÚAK-tyń qazaqstandyq bóligine teń tóraǵalar etip taǵaıyndaý tetigin ázirleý, sondaı-aq úkimetaralyq komıssııalar otyrystary qorytyndylary boıynsha esepti júıelendirý men retke keltirý bolyp tabylady.
Kezdesý qorytyndysy boıynsha úkimetaralyq komıssııalar sheńberinde qol jetkizilgen ýaǵdalastyqtardyń oryndalýyna baqylaý jasaý mehanızmi, memlekettik organdardyń jaýapkershiligin kúsheıtý jáne nátıjelerge nazar aýdarý týraly sheshim qabyldandy. ÚAK-tyń otyrystaryn sapaly ótkizý maqsatynda olardy ótkizý boıynsha daıyndyqty keshendi túrde kúsheıtý jáne nátıjelerge nazar aýdarý qajettiligi ataldy. Shetelde ótkiziletin ÚAK otyrystaryna daıyndyq kezinde qazaqstandyq delegasııalar elimizdiń shet elderdegi dıplomatııalyq mıssııalarymen konsýltasııa ótkizedi.
Úkimetaralyq komıssııalardyń qazaqstandyq bóligin júrgizýge jaýapty QR memlekettik organdary qyzmetiniń tıimdiligin baǵalaý júıesi ázirlenetin bolady.
Sonymen qatar, otyrys barysynda ÚAK otyrystary sheńberinde qol jetkizilgen ýaǵdalastyqtardyń iske asyrylý barysynda qazaqstandyq mınıstrlikter kóp kezdestiretin máseleler men qıyndyqtar pysyqtaldy.
Vedomstvoaralyq komıssııanyń otyrystary qajet bolǵan jaǵdaıda, biraq keminde jartyjylda bir ret ótkiziledi.
