Mobıldi qosymshany «AFEW Kazakhstan» Qoǵamdyq Qory Halyqaralyq damý jónindegi AQSh agenttiginiń (USAID) kómegimen AITV-ǵa qarsy is-qımyl jobasy sheńberinde jasaldy. POZ.INFO qosymshasynda dári-dármekter jáne pasıentti emdeýdiń jeke shemasy týraly aqparatty, ARV qabyldaý ýaqytyn eske túsiretin oıatqysh, AО́A jáne forýmǵa qarym-qatynas úshin kómektesetin memlekettik jáne úkimettik emes uıymdardyń baılanystary bar.
– Qosymshany ornatý ońaı, onda dáriger taǵaıyndaǵan preparattardy tańdaý, kúnin, tabletkalar men qabyldaýlardyń sanyn kórsetý, qabyldaý ýaqytyn ornatý jáne usynylǵan nusqalardan eskertý mátinin tańdaý,a bolady. Sonymen qatar, qosymshada «AITV-ınfeksııasy», «ımmýndyq júıe», «vırýstyq júkteme» jáne «CD4-lımfosıtter» uǵymdary týraly aqparat tabýǵa bolady», – dedi «AFEW Kazakhstan» atqarýshy dırektory Roman Dýdnık.
– Densaýlyq saqtaý júıesin sıfrlandyrý – ýaqyt talaby. Osy AО́A-ǵa arnalǵan mobıldi qosymsha qoldaný ońaı ári arzan. Bizdiń naýqastar onyń osy jaqtaryn baǵalap, osy tehnıkalyq jańalyqty qýana qoldanady, – deıdi Almaty qalalyq JITS-tiń aldyn alý jáne oǵan qarsy kúres ortalyǵynyń bas dárigeriniń orynbasary Alfııa Denebaeva.
POZ.INFO qosymshasy tegin, jasyryn, tirkeýdi talap etpeıdi jáne derbes derekterdi saqtamaıdy. Ol Play Market jáne Appstore-da Android jáne iOS platformalarynda qoljetimdi. Qosymsha Almaty qalalyq JITS ortalyǵy bazasynda AITV-men ómir súretin jandar arasynda sátti synaqtan ótti.
Aınash ESALI,
«Egemen Qazaqstan».
ALMATY
