Q.Toqaevtyń aıtýynsha, bul kelisim saýda jáne ınvestısııa salasyndaǵy úlken oqıǵa retinde halyqaralyq buqaralyq aqparat quraldarynda zor serpilis týǵyzyp otyr.
Lý Iımın Genertec holdınginiń Qazaqstanda qol jetkizgen kelisimderi men jańa jobalardy júzege asyrý jónindegi josparlary týraly bizdiń tarapty habardar etti.
Senat Tóraǵasy álemdik ekonomıkadaǵy QHR-dyń orny Qazaqstanda belgili ekeni jáne Qytaımen yntymaqtastyq basym baǵyt retinde sanalatynyn atap ótti. Q. Toqaev Qytaı tóraǵasy Sı Szınpınniń bes jyl buryn Astanada jarııa etken Jibek joly jańa strategııasyn iske asyrýda birlesken is-qımyldyń mańyzdy ekenin aıtty.
Senat basshysy saıası, saýda-ekonomıkalyq jáne ınvestısııalyq yntymaqtastyqty yntalandyrýda eki memlekettiń zań shyǵarý organdarynyń róli zor ekenine toqtaldy. Halyq ókilderiniń búkilqytaı jınalysy Turaqty komıtetiniń Tóraǵasy Lı Chjanshýdyń Qazaqstanǵa sapary parlamentaralyq únqatysýlarǵa jańa serpin bere alady.
