Ustazdar arasynda mundaı baıqaý ótkizýdiń bastamashysy - «Týǵan jer» baǵdarlamasy aıasynda oqý mekemesin salyp bergen jergilikti kásipker Murat Ádilhanov.
Qalanyń júzden astam ustazdary qatysqan baıqaýda №159 mekteptiń qazaq tili men ádebıeti pániniń muǵalimi Sáýle Ahmetova Almatynyń «Úzdik muǵalimi» atanyp, jeńimpazǵa №168 mektepte saltanatty túrde jańa kóliktiń kilti tapsyryldy. №140 mekteptiń ınformatıka pániniń muǵalimi Nurǵaly Nurymbetovke otbasylyq demalystyń joldamasy berilse, birqatar ustazdarǵa dıplomdar men 500 jáne 300 myń iri teńgelik sertıfıkattar tabys etildi.
Memleket basshysynyń qoldaýy arqasynda Almatyda 117 oqý oryndary salyndy. Tek sońǵy bes jyl ishinde ǵana bilim salasyn qarjylandyrý megapolıste 37%-ǵa nemese 27 mlrd. teńgege ósti. Qazirgi kezde bilim salasynyń ınfraqurylymyn damytýǵa erekshe nazar aýdarylýda. Tek bıyldyń ózinde ǵana qurylys pen kúrdeli jóndeý jumystaryna 17 mlrd. teńgeden astam qarjy bólindi. Osyndaı málimettermen bólisken qala ákimi ákimi Baýyrjan Baıbek jeńimpazdarǵa sát-sapar tiledi.
Elvıra Serikqyzy,
«Egemen Qazaqstan»
ALMATY
