Jumys saparymen munaıly óńirge kelgen Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttiginiń apparat basshysy Saıan Ahmetjanov aımaqta sybaılas jemqorlyq deńgeıin azaıtý, jurtshylyqtyń sybaılas jemqorlyqqa tózbeýshiligin qalyptastyrý, Atyraý oblysyndaǵy memlekettik bılik ınstıtýttaryna azamattardyń senimin nyǵaıtý keńse jumysynyń basty baǵyty ekenin aıtty.
Ortalyqtyń ashylý saltanatyna qatysqan oblys ákiminiń birinshi orynbasary Serik Shápkenov pen barlyq memlekettik organ basshylary, ÚEU, BAQ ókilderi sybaılas jemqorlyqqa qarsy mádenıetti qalyptastyrý úshin osyndaı jobalardyń qajettiligine nazar aýdardy.
Sondaı-aq H.Dosmuhamedov atyndaǵy Atyraý memlekettik ýnıversıtetinde «Sanaly urpaq» jobalyq keńsesi jumysyn bastady.
Ýnıversıtette «Adaldyq dúkeni» de ashylǵan. Onyń basqa saýda oryndarynan ereksheligi - satýshysyz saýda júrgiziledi, tutynýshy satyp alǵan taýarynyń aqshasyn sol jerdegi arnaıy ydysqa salady.
Baqytgúl BABASh,
«Egemen Qazaqstan».
