– Qoldanystaǵy zańnamaǵa sáıkes, mundaı jaǵdaılarda turaqty qarjylyq jaǵdaıy bar, prýdensıaldyq normatıvterdi buzbaǵan, keń fılıaldyq jelisi jáne ınfraqurylymy bar, Respýblıka boıynsha salymshylarǵa qyzmet kórsetetin, bank agent áreket ete alady. Biz QDKBQ ózderiniń senimdiligi úshin alǵysymyzdy bildiremiz, – dedi Bank VTB (Qazaqstan) basqarma tóraǵasy Dmıtrıı Zabello.
Búgingi tańda Bank VTB (Qazaqstan) ekinshi deńgeıdegi bankter arasynda eń joǵary nesıe reıtıngteriniń birine ıe. Banktiń fılıaldary elimizdiń barlyq óńirlerinde ornalasqan, qazirgi ýaqytta VTB jelisinde 85 bankomat pen 28 aqsha núktesi bar.
«Qazaq Banki» AQ salymshylaryna tólem 2018 jyldyń 24 jeltoqsanynda bastalady. 24 jeltoqsanǵa deıin Bank VTB (Qazaqstan) salymshylardan ótinishter qabyldap, kepildik ótemaqy tóleýge quqyly emes.
Depozıtke kepildik berilgen tólemdi alý úshin «Qazaq Banki» AQ klıentteri jeke basyn kýálandyratyn qujatpen jáne Bank VTB (Qazaqstan) kez kelgen bólimshesine jazbasha ótinish berýi kerek. Fılıaldardyń meken-jaıy www.vtb-bank.kz bankiniń saıtynda kórsetilgen. Siz aqshany úsh jolymen ala alasyz: qolma-qol aqsha, bank shotyna aýdarý nemese bank agentte salym ashý.
Jeke tulǵalar men jeke kásipkerler «Qazaq Banki» AQ aǵymdaǵy shottarynda jáne tólem kartochkalarynda ornalastyrylǵan aqshany óteýge quqyly. О́temaqy eseptelgen syıaqyny esepke ala otyryp, biraq eń joǵary kepildik somasynan aspaıtyn depozıt balansynyń somasynda tólenedi:
• 10 mln teńge – ulttyq valıýtadaǵy depozıtter boıynsha,
• 5 mln teńge – shetel valıýtasyndaǵy depozıtter boıynsha.
Qazaq Banki-da bir mezgilde teńgede jáne shetel valıýtasynda ornalastyrylǵan bir salymshynyń depozıtterine 15 mln. teńgege tolyq ótemaqy tólenedi, al shetel valıýtasynda depozıt 5 mln teńgeden aspaıdy.
«Qazaqstannyń depozıtterge kepildik berý qory» AQ arnaıy rezerv esebinen «Qazaq Banki» AQ salymshylary úshin ótemaqy tóleý úshin Bank VTB (Qazaqstan) tolyq aqshamen qamtamasyz etedi.
Aınash ESALI,
«Egemen Qazaqstan».
ALMATY
