BJZQ bastamasymen uıymdastyrylǵan sharaǵa qor qyzmetkerleri jáne QR Eńbek jáne halyqty áleýmettik qorǵaý mınıstrligi, Memlekettik áleýmettik saqtandyrý qory, Qazaqstan qarjygerleri qaýymdastyǵy, «Azamattarǵa arnalǵan úkimet» Memlekettik korporasııasynyń ókilderi, sondaı-aq kásipodaqtar, kásipkerler, jetekshi sarapshylar, saıasattanýshylar, ekonomıster, salymshylar, t.b. qatysty. (alýshylar) qatysty.
«BJZQ» AQ Basqarma tóraıymy Nurbıbi Naýryzbaeva jınaqtaýshy zeınetaqy júıesiniń jumysy týraly baıandady. 2018 jyldyń 1 jeltoqsanyna qaraı Biryńǵaı jınaqtaýshy zeınetaqy qorynda salymshylar men alýshylardyń 10 mln astam jeke zeınetaqy shottary ashylǵan. Olarda 9,1 trln teńge somasynda zeınetaqy jınaqtary shoǵyrlandyrylǵan. Júıe iske qosylǵannan beri oǵan zeınetaqy jarnalary retinde barlyǵy 6,6 trln teńge aýdaryldy. Al tólemder men saqtandyrý uıymdaryna aýdarylǵan jınaqtardyń jalpy kólemi 1,2 trln teńgeni qurady. Jınaqtardyń úshten birinen astamy salymshylar men alýshylardyń shottaryna ınvestısııalyq basqarýshylardyń kúshimen ınvestısııalyq tabys retinde kelip túsken.
Qazirgi ýaqytta BJZQ zeınetaqy júıesiniń barlyq qarjylyq jáne aqparattyq aǵynynyń biryńǵaı operatory bolyp tabylady.
Kezdesý qorytyndysy boıynsha qatysýshylar Qazaqstannyń budan 20 jyl buryn zeınetaqy reformasyn júrgizýi qoǵam jáne ekonomıka úshin mańyzdy qadam bolǵanyn atap ótti. Sonymen qatar jınaqtaýshy zeınetaqy júıesin odan ári damytý qajettiligi aıtyldy.
Elvıra Serikqyzy,
«Egemen Qazaqstan»
ALMATY
