– Memleketter basshylary Sankt-Peterbýrgte Aleksandr Grıgorevıch Lýkashenkonyń usynysy boıynsha Sizdiń kandıdatýrańyzdy qoldaý jóninde sheshim qabyldady. Siz osy uıymǵa múshe elderdiń basshylarymen kezdesýdi bastap kettińiz. Buǵan deıin Bishkekte boldyńyz. Qazir Qyrǵyz Respýblıkasy Ujymdyq qaýipsizdik sharty uıymyna tóraǵalyq etýde. Sizderdiń kezdesýlerińizdiń jaqsy ótkenine senimdimin, – dedi Qazaqstan Prezıdenti.
Nursultan Nazarbaev S.Zastiń osy laýazymda qyzmet etýi úshin qajetti bilimi men tájirıbesi bar ekenine toqtaldy.
– Siz – áskerı adamsyz jáne tıisti bilimińiz bar. Belarýs Respýblıkasynyń Bas shtabynda, Qaýipsizdik keńesinde qyzmet atqardyńyz. Ujymdyq qaýipsizdik sharty uıymynyń jumysymen tanyssyz, túrli kezdesýler men jıyndarǵa qatystyńyz. Biz Sizdi qoldaıtyn bolamyz, – dedi Memleket basshysy.
Sondaı-aq, áńgimelesý barysynda Qazaqstan Prezıdenti Ujymdyq qaýipsizdik sharty uıymy jumysynyń tıimdiligin qamtamasyz etýdiń mańyzdy ekenin aıtty.
