Qazaqstan • 13 Jeltoqsan, 2018

Ulaǵatty ustazben kezdesý ótti

1830 ret

kórsetildi

1 mın

oqý úshin

Elimizdiń bilim júıesiniń damýyna zor úles qosyp, óziniń biliktiligimen, kásibıligimen daralanǵan ulaǵatty ustaz Aıagúl Mırazovanyń 70 jasqa tolýyna oraı Medeý aýdandyq oqý bólimi, Medeý aýdandyq «Ustaz» kásipodaq uıymynyń uıymdastyrýymen №166 bóbekjaı ujymymen kezdesý ótti.

Egemen Qazaqstan

Qazaqstannyń Eńbek Eri, ardager ustaz Aıagúl Mırazovanyń eńbek jolyn ónege tutatyn ujym bilikti mamannyń balalar tárbıeleýdegi tájirıbesimen bólisti. Shara aıasynda sóz sóılegen Aıagúl Tóreqyzy bala tárbıesi men ustaz eńbegin dáripteý, ustazdy qurmetteý men syılaýǵa tárbıeleý barysyndaǵy kóp jyldyq izdenistegi isteri týraly baıandady. Bilim men biliktilik ustaz eńbeginen bastaý alatynyn balalardyń sanasyna jetkizýdi de nazardan tys qaldyrmaý kerektigine toqtalǵan maman №166 bóbekjaı tárbıelenýshileri jáne qyzmetkerlerine zor iltıpatyn bildirip, qurmet kórsetkenderine alǵys aıtty.

Sharaǵa qatysqan kópshilik balabaqshanyń mýzyka zalynda óleń-kúımen sýsyndap, kóńildi kesh ótkizdi.

Elvıra Serikqyzy,

«Egemen Qazaqstan»

ALMATY