Teńdessiz oqıǵaǵa kýá boldyq - Gúlmıra Isımbaeva

Bári de óz aı­maq­tarynan balamaly negizde saı­lanǵan saıası belsendiligi joǵary jandar. Joǵarǵy Ke­ńestiń keń zalyna úsh jerden mıkrofon qoıylǵan, sóıleýge umtylǵandar sonyń aldyna kezekke turyp qalady. Áıel de­pýtattardyń arasyndaǵy eń jasy men, al er adamdardyń ara­syndaǵy eń jasy Muhtar Tinikeev boldy. 

Ol kezdegi Joǵarǵy Keńes­tegi saıası ahýal aıtarlyqtaı kúr­deli edi. Bir zańdy birneshe kún qa­raıtyn kezderimiz de jıi bola­tyn. Qazirgi tájirıbemen salys­tyrsaq, búgingi jumys to­bynyń mindetin ol kezde jalpy otyrys atqarǵan eken ǵoı. Sondyqtan plenarlyq oty­rys­ta zańnyń árbir babyn tal­qy­laıtynbyz, depýtattardyń bári de ózderiniń usynys-pikirlerin bildirip jatatyn. 

Qazaqstan Respýblı­kasy­nyń Memlekettik táýelsiz­digi týraly zań jobasyn py­syq­taý úshin Joǵarǵy Keńes 

14 jel­­toqsan kúni redaksııalyq ko­mıssııa quryp, onyń tóra­ǵa­lyǵyna zańger Sultan Sar­taevty saılady. Re­dak­sııalyq komıssııaǵa zań­ger­ler Salyq Zı­manov, Nıko­laı Akýev jáne taǵy basqa bilikti zańgerler endi.

1991 jyldyń 16 jeltoqsan kúni jetil­dirilgen zań jobasy týraly Joǵar­ǵy Keńeske Sul­tan Sartaev baıandady. Ony tal­­qylaý óte qyzý jaǵdaıda ótti. 360 depýtattyń 10 paıy­zy sóılegende de 36 adam ǵoı, al bul joly tipti odan da kóp adam sóılegendeı boldy. 

Sol alǵashqy qıyn qystaý kezeńde Parlamenttiń jalpy otyrystaryna Prezıdent Nursultan Ábishuly Nazarbaev ózi de kelip jıi qatysyp otyratyn. Depýtattardyń eń kúr­deli máselege tirelip, aıtys kýl­mınasııalyq shegine jetken­de únemi Elbasy sóılep, qıyn túıindi tarqatatyn.

Qazaqstan Respýblıka­sy­nyń Memle­kettik táýelsizdigi tý­raly zańdaǵy eń kóp talqy­lanyp, qyzý aıtystar týǵyzǵan: «Qazaq ultynyń ózin ózi bıleý quqyn rastaı otyryp...» dep bastalatyn norma boldy. Sol kóptegen áriptesterimizge una­maı, jeke «qazaq ulty dep aıtpaýymyz kerek» dep ózderiniń qarsylyqtaryn belsendi túrde bildirdi. Sondaı-aq «aýmaqtyq tutastyq» degen uǵymǵa qa­tys­ty da kóptegen talastar boldy. 

Osy aıtystardy estip otyr­ǵan El­basy sóz aldy. Prezıdent aıtylǵan máseleler osy zańnyń eń túıin­di núktesi ekenin dáleldep ber­di. Sodan keıin ǵana bizdiń tal­qylaýymyz bir júıege túsip, zań jobasy daýysqa qoıa­­tyndaı dárejege jetti. Sóı­­tip zań jobasy daýysqa salynyp, kópshilik daýyspen qabyl­dandy. Elbasy minberge kóte­rilip, bizdi jáne barsha qazaqstandyqtardy Qazaq­stan Respýblıkasynyń Táýelsiz­digimen quttyqtady. Sóıtip eń birinshi qut­tyqtaýdy Pre­zı­­denttiń aýzynan estigen edik. Bárimiz bir-birimizdi qut­tyq­tap, qushaqtasyp jat­tyq. Birinshi bolyp týǵan-týys­tarymyzǵa, dos-jar­lary­myz­ǵa habarlasyp, Táýelsizdik jarııa­­lanǵanyn jet­kizdik. Bul Alma­ty ýaqy­ty­­men keshki 8-9-dar shamasy bo­latyn. 

Biraq báribir ol kezde kóbimiz osy oqıǵanyń tarıhı mańyzyn, qadirin jete túsinbegen de bo­lar­myz. Tek ýaqyt óte kele ózi­m­izdiń shyn mánindegi tarıhı sát­­ke kýá bolyp, eshbir teńdesi joq oqıǵaǵa qatysqanymyzdy, teń­­desi joq qundylyqqa qol jet­­kizgenimizdi uǵynyp, jyl ót­ken saıyn, kún ótken saıyn Táýelsizdiktiń qadirin jete tú­si­nip kelemiz dep oılaımyn. 

Gúlmıra ISIMBAEVA, 

Parlament Májilisi Tóraǵasynyń orynbasary