Baıqaý qorytyndysynda Gran-prı júldesi men 350 000 teńge syılyqqa Aqtoǵaı aýdanynyń Á. Bókeıhanov atyndaǵy orta mektebiniń bastaýysh synyp muǵalimi Perızat Jeksenbaeva ıe boldy.
Birinshi oryn jáne 200 000 teńge «Bilim-Innovasııa №1» lıseı-ınternatynyń fızıka páni muǵalimi Jaqsylyq Aqanǵa buıyrdy.
Ekinshi oryn jáne 150 000 teńge Abaı aýdanynyń A. Qunanbaev atyndaǵy №5 mektep-gmnazııasynyń qazaq tili jáne ádebıeti pániniń muǵalimi Gúlshat Aǵaıdarovaǵa berilse, 3-oryn jáne 100 000 teńgeniń sertıfıkaty Shahtınsk qalasyndaǵy №3 orta mekteptiń orys tili jáne ádebıeti pániniń muǵalimi Lıýdmıla Seıge tapsyryldy.
– «Jyl muǵalimi» oblystyq baıqaýy úsh kezeńnen turady. Birinshisi aýdandarda jáne qalalarda ótedi. Ekinshi kezeńde úmitkerler ashyq sabaqtar ótkizedi. Úshinshi kezeń – ol aqtyq saıys, munda oblystyń pedagogtary jınalady. Mundaı baıqaýlar muǵalimderge ózderin tekserýge, kásibı turǵyda ósýin baıqaýǵa, tájirıbe alýǵa múmkindik beredi, – dedi qazylar alqasynyń múshesi Máýlıda Joshına.
Qaırat ÁBILDA,
«Egemen Qazaqstan»
Qaraǵandy
