Jyr dodasyna Astana, Qaraǵandy, Semeı, Pavlodar, Taraz, Ekibastuz jáne Baıanaýyl aýdanynan 12 aqyn qatysyp, el táýelsizdigi, rýhanı jańǵyrý taqyryptaryn tilge tıek etti.
«Is-sharanyń negizgi maqsaty – Táýelsizdik qundylyqtary men ıdeıalaryn óner arqyly nasıhattaý. Biz atalǵan aqyndar alamanyn osymen úshinshi jyl qatarynan uıymdastyryp kelemiz. Jyl saıyn ár óńirdiń shaıyrlaryn shaqyryp shahtaly shaharda bastaryn qosamyz. Olar da tyńǵylyqty daıyndyqpen kelip, órkendegen óńirimizdi óleńge qosyp, kórermenniń kóńilin kóterip ketedi. Jyl saıyn ótkizip kele jatqan jyr dodasyn aldaǵy ýaqytta da jalǵastyra beremiz», dedi «Atamura» mádenıet ortalyǵynyń dırektory Nursulý Erkebaıqyzy.
Qazylar alqasynyń sheshimimen bas júldeni Raýan Qaıdarov (Ekibastuz), birinshi oryndy Arýna Kerimbek (Taraz), ekinshi oryndy Aspanbek Shuǵataev (Baıanaýyl) jáne úshinshi oryndy Qýanyshbek Sharmanov (Pavlodar) ıelendi. Jeńimpazdarǵa aqshalaı syılyqtar men dıplomdar tabystaldy.
Ularbek NURǴALYMULY,
«Egemen Qazaqstan»
