1991 jyldan beri qazaq jerinde 8,7 mıllıon perzent dúnıege keldi. Al árbir jetinshi sábı Túrkistan oblysynda týǵan eken. Jalpy, elimizde eń joǵary týý kórsetkishi 2016 jyly tirkelgen. Bul jyly qazaqstandyqtardyń sany 400 myńǵa artty.
Demograftar keltirgen taǵy bir qyzyq derek, 20-30 jas aralyǵyndaǵy erler men áıelder sany. Elimizdiń ońtústik óńirlerinde atalǵan jastaǵy turǵyndardyń sany shamalas bolsa, Almaty, Qostanaı jáne Aqtóbede erlerge qaraǵanda qyz-kelinshekter kóp kórinedi.
27 jylda Qazaqstan azamattarynyń ortasha ómir súrý uzaqtyǵy artty. Nazar aýdaratyn jaıt, áıelder er adamdarǵa qaraǵanda 10 jyl uzaq ómir súredi eken. Máselen, toqsanynshy jyldarmen salystyrǵanda erlerdiń jasy 62-den 68-ge, al áıelderdiń jasy 72-den 76-ǵa deıin ulaıǵan.
