Kezdesýge О́skemen qalasy D.Serikbaev atyndaǵy Shyǵys Qazaqstan memlekettik ýnıversıtetinde ótken «Gir sportynan qol kúresi boıynsha Astana qalasynyń 20 jyldyǵy men halyqaralyq dárejedegi tóreshi V.F.Gelertti eske alýǵa arnalǵan Qazaqstan Respýblıkasynyń kýboginde» 70 kg salmaq dárejesinde QR Mádenıet jáne sport mınıstrliginiń dıplomyn ıelenip, 1-inshi oryn «Altyn medal» alǵan, armrestlıng kýboginiń ıegeri Dıas Eskermesov men onyń anasy Maıgúl Qaısarhanova keldi.
Jáne osy kezdesýge «Aq Taı» múmkindigi shekteýli balalardy qoldaý qory qoǵamdyq birlestigi tóraǵasynyń orynbasary Baqyt Sultanova, múgedek balalarmen jumys boıynsha áleýmettik kómek bólimshesiniń meńgerýshisi Jámılıa Ámirgalıeva da qatysty.
-Kezdesýdiń maqsaty 27943 áskerı bólimi baılanys torabynyń telegrafshy mamany, kishi serjant Maıgúl Qaısarhanovanyń úlgi tutarlyq tárbıe - ónege, tájirıbesimen bólisý bolyp tabyldy,-dedi áskerı maman Dınara Ákimbekova,-osy arqyly qoǵamdaǵy múmkindigi shekteýli balalardyń jáne olardyń ata-analaryn úmittendirip, qoldaý kórsetýimiz qajet boldy.
Kezdesýde múmkindigi shekteýli balalar tárbıelep otyrǵan ata-analar arnaıy kelgen mamandardan keńes alyp, kókeılerindegi suraqtaryn qoıdy. Dıastyń anasy Maıgúl Saılaýbekqyzymen qyzý suhbattasty.
-Qazirgi kezeńde kóptegen jas otbasylar turmys quryp, shańyraq kótergennen keıin ómirge sábı ákelgende shala týylǵan nemese kemtar perzentterinen bas tartyp jatady,-dedi Maıgúl Saılaýbekqyzy,-qıynshylyqtarǵa qarsy turýda jigerleri jasyp, ajyrasyp ketý jáıttary da bar. Sińli – baýyrlaryma aıtarym eshqashan moıymaı, taǵdyr synyna tótep berýde qaısarlyq tanyta bilińizder. Men osyndaıdy bastan ótkergendikten qandaı da bolsyn qıynshylyqtyń arty syı-qurmet ekenin jetkizgim keledi. Kórer qyzyǵymyz ben qýanyshtarymyz áli alda! Dıasym qazir meni soǵan jetkizýde.
Áserli kezdesý múmkinshiligi shekteýli balalary bar ata-analarǵa ǵana emes áskerı bólimdegi jas sarbazdarǵa da úlgi boldy. Kezdesý sońynda múmkindigi shekteýli búldirshinderge táttiler taratylyp, kelgen qonaqtarmen estelikke sýretke tústi. Áskerı bólimdegi áskerı qyzmetshilerdiń otbasylarymen jumys qyzmetiniń jetekshisi Raýan Qymbatbekova qoǵammymyzdaǵy bilimdi, bilikti, kúshti jaýyngerler múmkindigi shekteýli balalardy árqashan qorǵaıdy, Kezdesýge brıgada komandıri podpolkovnık Begimbet Tájibaev ta qatysyp, barlyǵyna aq jol tilep, qıyndyqtarǵa moıynsunbańyzdar degen tilegin aıtty.
Raýshan QABJANQYZY,
Semeı
