Bul týraly О́ńirlik kommýnıkasııalar qyzmetindegi brıfıng barysynda Qoǵamdyq densaýlyq saqtaý departamenti basshysynyń orynbasary Erbolat Ýaısov málimdedi. Spıkerdiń aıtýynsha, Ulttyq saraptama ortalyǵy Atyraý oblystyq fılıalynyń mamandary balyqtyń jappaı qyrylý sebepterin anyqtaý úshin Jaıyq ózeninen 40 synama aldy.
- Sý hımııalyq kórsetkishterge, ýly hımıkattarǵa, mıkrobıologııalyq kórsetkishterge jáne parazıtarlyqqa tekserildi. Zerthanalyq zertteýler nátıjeleri boıynsha sý quramynda shekti ruqsat etilgen kórsetkishterden eshqandaı asý kórsetkishteri tirkelgen joq. Sondyqtan, Jaıyq ózenindegi sý turǵyndarǵa qaýip tóndirmeıdi, - dedi Erbolat Ýaısov.
Sonymen qatar, veterınarlyq dárigerler ortalyq qalalyq bazarlarda sapasyz ónimderdi satýǵa jol bermeý maqsatynda balyqtardy kúndelikti tekserýdi júrgizýde. Sondaı-aq, veterınarlar qaladaǵy jol jıegindegi bazarlardan jáne jeke saýdagerlerden balyq ónimderin satyp almaýǵa keńes beredi.
