О́tken jyldyń sáıkes kezeńimen salystyrǵanda shaǵyn jáne orta bıznes sýbektileriniń sany 12,7 paıyzdy qurady. Bul - respýblıkada eń jaqsy kórsetkish. Sonymen qatar, jumys istep turǵan shaǵyn jáne orta bıznes sýbektileriniń úlesi tirkelgender sanynyń 80,9% - ine jetken. Jeńis ońaı kelmeıdi.
Oblysta jyl basynda «Jappaı kásipkerlikti damytýdyń jol kartasy» ázirlendi. Shaǵyn jáne orta bıznesti qarjylandyrýǵa respýblıkalyq jáne oblystyq bıýdjetten, bankter men qorlardan 32 mıllıard teńgeden astam qarjy bólindi. Onyń ishinde startap-jobalarǵa 3 mıllıard teńgeden astam qarjy qarastyrylǵan.
Jappaı kásipkerlikti, ásirese aýyldyq jerlerde damytýǵa óńirde basymdyq berilip otyr. Oblystyń árbir aýyldyq eldimekenine jergilikti atqarýshy organdar men ortalyq memlekettik organdardyń aýmaqtyq bólimsheleriniń basshylarynan shaǵyn jáne orta bıznesti damytýǵa jaýaptylar bekitildi.
Oblysta kásipkerler úshin barlyq qolaıly jaǵdaılardy jasaý maqsatynda Kásipkerler úıi ashyldy. Munda oblystyq Kásipkerlik jáne týrızm basqarmasy, «Qyzylorda» О́ńirlik ınvestısııalyq ortalyǵy, Kásipkerlerge qyzmet kórsetý ortalyǵy, «Jobalarǵa saraptama júrgizý ortalyǵy» JShS, О́ńirlik kásipkerler palatasy, ekinshi deńgeıli birqatar bank fılıaldary jáne ózge de mekemeler ornalastyrylǵan. Sondaı-aq, aımaqtyń kásipkerleri úshin elektrondyq qyzmet túrlerin tegin alýǵa bolatyn onlaın-kabınet jumys istep tur.
Baqtııar TAIJAN,
«Egemen Qazaqstan»
QYZYLORDA OBLYSY
