Myrzaǵalı Aıtjanovtyń basshylyǵymen Qazaqstan boksshylary əlem úzdikteriniń qataryna enip, Azııada úzdik úshtikten kórindi. Londonda Serik Səpıev, Rıoda Danııar Eleýsinov Olımpıada chempıony atandy. Aıtjanovtyń basshylyǵymen qazaq boksshylary əlem chempıonattarynan 5 altyn jeńip aldy (2013 jyly 4, 2017 jyly 1 altyn)
Myrzaǵalı Aıtjanov əlem úzdikterimen ıyq tirestiretin myqty quram jasaqtap shyqty. Qazaqstan boks federasııasy uzaq jylǵy eńbegi úshin Myrzaǵalı Qulanulyna alǵys bildirdi. Federasııa basshylyǵy qurama bapkerin aýystyryp, jańa ədis, tyń təsilder izdeıtin ýaqyt keldi dep esepteıdi.
«Búginde bizdiń komanda bir orynda turyp qaldy. Birneshe jyldan beri daıyndyq barysynda ózgeris joq. Sondyqtan, biz bapkerdi aýystyryp, únemi jańashyldyq izdeıtin, boksshylary keremet nətıje kórsetetin jastar quramasynyń bas bapkeri Ǵalymbek Kenjebaevty usyndyq»,- deıdi QBF bapkerler shtabymen jumys bóliminiń basshysy Iýrıı Shaı.
Ǵalymbek Kenjebaev 35 jyldan bapkerlik qyzmette keledi. 1998-2005 jyldar aralyǵynda Gennadıı Golovkınniń jeke bapkeri boldy. 2006 jyldan 2009 jəne 2013 jyldan búginge deıin jastar quramasynyń bas bapkeri. Kenjebaevtyń basshylyǵymen Qazaqstan jastar quramasy jasóspirimder Olımpıadasynan 2 altyn ıelenip, 5 Azııa chempıonatynda jalpykomandalyq esepte 1-oryn ıelendi.
