«Álemniń keıbir aımaqtaryndaǵy oqıǵalardy baqylaýda biz elimizdiń Táýelsizdigin odan ári baǵalap, qaýipsizdikti nyǵaıtýǵa jáne Otanymyzdyń órkendeýine qolaıly jaǵdaı týǵyzýǵa bar kúsh-jigerimizdi jumsaýymyz qajet», - dedi óz sózinde Syrtqy ister mınıstri Qaırat Ábdirahmanov.
Syrtqy ister mınıstri Prezıdent Nursultan Nazarbaevtyń egemen jáne táýelsiz Qazaqstandy qurýdaǵy aıryqsha róline erekshe nazar aýdaryp, Elbasynyń dana jáne kóregen saıasatynyń arqasynda bizdiń elimizdiń tabystary álemniń barlyq jerlerinde belgili.
«Bıyl elimizdiń BUU Qaýipsizdik Keńesiniń turaqty emes múshesi retinde jumysynyń eki jyldyq kezeńi aıaqtalady. Bul sózsiz Prezıdent N.Nazarbaevtyń basshylyǵymen táýelsiz qazaqstandyq dıplomatııanyń jetistigi bolyp tabylady», - dedi Mınıstr. Onyń aıtýynsha, Qazaqstannyń BUU Qaýipsizdik Keńesine múshe bolýynyń eki jyldyq kezeńinde Memleket basshysynyń, birinshiden Ortalyq Azııa aımaǵynda turaqtylyq pen qaýipsizdikti nyǵaıtýǵa, halyqaralyq lańkestikke qarsy, qarýsyzdaný men ıadrolyq qarýdy taratpaýǵa baǵyttalǵan beıbitshil bastamalaryn ilgeriletýge bizdiń el qol jetkizdi.
О́tip bara jatqan jyl elimizde ótkiziletin túrli halyqaralyq is-sharalarǵa toly boldy. Tarıhı Aqtaý sammıtiniń ótýi erekshe atap ótildi. Onyń nátıjesinde Kaspıı teńiziniń quqyqtyq mártebesi týraly konvensııa jasalyp, bul sý rezervýaryn biregeı mártebesin beıbitshilik pen ózara tıimdi yntymaqtastyq aımaǵy retinde biriktirdi.
Mınıstr sondaı-aq Ortalyq Azııa lıderleriniń alǵashqy konsýltatıvti kezdesýin, Sırııa jóninde Astana prosesiniń jalǵasýyn, «Astana» halyqaralyq qarjy ortalyǵynyń iske qosylýyn, Álemdik jáne dástúrli dinder lıderleriniń sezin, Ujymdyq qaýipsizdik týraly shart uıymy jáne TMD sammıtterin, Astana ekonomıkalyq forýmyn jáne basqa da eleýli halyqaralyq is-sharalardyń ótkizilýin atap ótti.
Q. Ábdirahmanov Syrtqy ister mınıstrliginiń ujymyna eldiń syrtqy saıasatynyń basymdyqtaryn júzege asyrýǵa qosqan úlesi úshin alǵysyn bildirdi.
Memleket basshysy Nursultan Nazarbaevtyń Jarlyǵymen Qazaqstan dıplomatııasynyń birqatar ardagerleri men qyzmetkerleri memlekettik nagradalarmen marapattaldy: «Parasat» ordenimen - SIM Erekshe tapsyrmalar jónindegi Elshisi Aıymdos Bozjigitov jáne QR dıplomatııalyq qyzmetiniń ardageri Mádına Jarbosynova; II dárejeli «Dostyq» ordenimen - SIM Erekshe tapsyrmalar jónindegi Elshisi Almaz Hamzaev jáne QR dıplomatııalyq qyzmetiniń ardagerleri Aqmaral Arystanbekova jáne Qaırat Ábýseıitov; «Qurmet» ordenimen - SIM Jaýapty hatshysy Ermek Kósherbaev, Qazaqstannyń Germanııadaǵy Elshisi Bolat Núsipov, QR dıplomatııalyq qyzmetiniń ardageri Qaırat Isaǵalıev jáne SIM Jalpyazııalyq yntymaqtastyq departamenti dırektorynyń orynbasary Rýslan Ahmet marapattaldy.
Sonymen qatar, Mınıstrliktiń birqatar qyzmetkerleri «Eren eńbegi úshin» men «Astana 20 jyl» medaldarymen jáne Qazaqstan Respýblıkasynyń Qurmet gramotasymen marapattaldy.
