Indýstrııalandyrý kúni sheńberindegi jıynda Premer-Mınıstr Baqytjan Saǵyntaev bıznestiń úzdik ókilderine tıisti syı-sııapatyn tabystady. Bıyl Qazaqstan Prezıdentiniń «Altyn sapa» syılyǵynyń jeńimpazdary tiziminde «Azyq-túlik jəne aýyl sharýashylyǵy ónimderin shyǵaratyn úzdik kəsiporyn» atalymy boıynsha Aqmola oblysyndaǵy «Gormolzavod» JShS marapatqa ıe boldy. Bul úshtikte Almaty oblysyndaǵy «Rybprom» JShS, Almaty qalasyndaǵy «BIJAN» et óńdeý kesheni» JShS da bar. Bıyl Elbasynyń «Altyn sapa» syılyǵyn alýǵa úmitker retinde 182 kəsiporyn qatysqanyn atap ótkimiz keledi.
Alpys jyldan astam tarıhy bar kásiporyn ónimniń 40 túrin shyǵarady. Munyń ishinde qurt, qospa sııaqty ulttyq brendterimiz de bar. Táýligine 4 tonnadan artyq ónim óndiretin zaýyt Astana, Almaty, Qaraǵandy, Jezqazǵan, Qostanaı jáne Kókshetaý qalalarynyń naryǵynda tanymal bolyp otyr. Sondaı-aq, Kókshetaý kásipornynyń sapaly balmuzdaqtaryna suranys joǵary.
– Memlekettiń keń kólemdi qoldaýyna súıene otyryp, óndiristi ártaraptandyrý, ıaǵnı, klasterlik qadamdarǵa den qoıýdamyz, – deıdi oblystyq máslıhattyń depýtaty, zaýyt dırektory Ásen Jaqsylyqov.
– Zerendi aýdanyndaǵy Prırechnoe aýylynda taýarly-sút fermasyn quryp, onda 100 bas saýyn sıyryn ustaýdamyz. Jaqyn jyldary onyń sanyn eki ese arttyrsaq degen oıdamyz. Sondaı-aq, 49 jylǵa jalǵa alǵan 800 gektar jerimiz bar. Munda ekpe shóptiń úsh túri egiledi. Súrlemdik júgeri ósirý nıetindemiz. Iаǵnı, jem-shópten taryqpaımyz degen oıdamyn. Ujymdaǵy 140 adamnyń barlyǵy óz isine berilgen adal jandar.
Iá, «Altyn sapany» altyn qoldy azamattar jasaıdy.
Baıqal BAIÁDIL,
«Egemen Qazaqstan»
